پاکستان نے آسٹریلیا  کوشکست دے کرٹی20سیریز میں کلین سوئپ کرلیا

تیسرے ٹی ٹوئنٹی میں  111 رنز  کے بھاری  مارجن سے  شکست  دے کر پاکستان نے آسٹریلیا  کے خلاف 7 سال بعد ٹی ٹوئنٹی سیریز میں کلین سوئپ کرلیا ۔

لاہور کے قذافی سٹیڈیم میں کھیلے گئے  تیسرے ٹی ٹوئنٹی میں پاکستان نے آسٹریلیا کے خلاف ٹاس جیت کر بیٹنگ کا فیصلہ کیا ۔

پاکستان نے 3 ٹی ٹوئنٹی میچوں کی سیریز کے آخری میچ میں آسٹریلیا کو جیت کے لیے 208 رنز کا ہدف دیا تھا جس کے جواب میں مہمان ٹیم  9 وکٹ  پر 96 رنز  بناسکی، آسٹریلوی لیگ اسپنر ایڈم زمپا انجرڈ ہونے کے سبب بیٹنگ کے لیے نہیں آئے۔

پاکستان نے پہلے کھیلتے ہوئے مقررہ 20 اوورز میں 6 وکٹ کے نقصان پر 207 رنز بنائے جو کہ آسٹریلیا کے خلاف ٹی ٹوئنٹی میں پاکستان کا سب سے بڑا اسکور ہے۔

پاکستان کی جانب سے  فخر زمان نے 10، صائم ایوب نے 50، کپتان سلمان علی آغا نے 5، اور خواجہ نافع نے 21 رنز اسکور کیے۔ ان کے علاوہ  بابر اعظم  نے 50 اور  شاداب خان نے 46 رنز بنائے۔

آسٹریلیا کی جانب سے بین وارشوس نے 2 کھلاڑیوں کو  آؤٹ کیا۔

ٹاس کے موقع پر کپتان سلمان آغا نے کہا کہ پاکستان ٹیم میں تین تبدیلیاں ہیں، فخر زمان ، خواجہ نافع اور شاہین آفریدی کو فائنل الیون میں شامل کیا گیا ہے۔