جنوبی افریقاکو7وکٹوں سےشکست،پاکستان نے ون ڈے سیریزنام کرلی
پاکستان نے تیسرے اور آخری ون ڈے انٹرنیشنل میچ میں جنوبی افریقا کو باآسانی 7 وکٹوں سے شکست دے دی اور 3 میچوں کی سیریز 1-2 سے اپنے نام کرلی۔
فیصل آباد کے اقبال سٹیڈیم میں کھیلے جانے والے فیصلہ کن ون ڈے میں جنوبی افریقا ٹاس جیت کر پہلے بیٹنگ کا فیصلہ کیا، جو ان کے حق میں ثابت نہ ہوا اور مہمان ٹیم پورے 50 اوورز بھی پورے نہ کھیل سکی اور پوری ٹیم 37.5 اوورز میں 143 رنز پر ڈھیر ہوگئی۔
پاکستان نے 144 رنز کے ہدف کو 26 ویں اوور میں صرف 3 وکٹوں کے نقصان پر حاصل کر لیا۔ اوپنر بیٹر صائم ایوب نے شاندار 70 گیندوں پر 77 رنز کی اننگز کھیلی، بابر اعظم 27 رنز بنا کر نمایاں رہے، محمد رضوان 32 اور سلمان علی آغا 5 رنز بنا کر وکٹ پر موجود رہے۔
پاکستان کی جانب سے ابرار احمد نے 4 کھلاڑیوں کو آؤٹ کیا اور میچ کے بہترین کھلاڑی قرار پائے۔ابرار احمد کو میچ کا بہترین کھلاڑی قرار دیا گیا۔
ٹاس جیت کر پہلے بیٹنگ کے لیے میدان میں اترنے والی جنوبی افریقی ٹیم کی اننگز کا آغاز اچھا رہا، اوپننگ جوڑی کوئنٹن ڈی کوک اور لہوان ڈری پریٹوریئس نے ٹیم کو 72 رنز کا عمدہ آغاز فراہم کیا، جس کے بعد پریٹوریئس 39 رنز بنانے کے بعد سلمان علی آغا کا شکار بن گئے، ان کی اننگز میں میں 4 چوکے اور ایک چھکا شامل تھا۔
تاہم کوئنٹن ڈی کوک نے ایک بار پھر ذمہ داری کا مظاہرہ کرتے ہوئے اپنی نصف سینچری مکمل کی لیکن 25 ویں اوورز میں محمد نواز نے انہیں بھی چلتا کیا۔ ڈی کوک 53 رنز بنا کر ٹیم کے سب سے زیادہ رن بنانے والے کھلاڑی رہے، جس میں 6 چوکے اور ایک چھکا شامل تھا۔
ڈی کوک کے آؤٹ ہوتے ہی ابرار احمد نے پرویٹز بلے بازوں کو اپنے اسپن جال میں پھنسادیا لیکن بدقسمتی سے وہ اپنی ہیٹ ٹرک مکمل نہ کرسکے۔
اس کے بعد کوئی بلے باز خاطر خواہ کارکردگی نہ دکھا سکا، کپتان بریٹزکے اور نقابایومزی پیٹر نے 16 رنز بنا کر ڈبل فگرز میں پہنچنے کے علاوہ زیادہ اثر نہیں ڈالا جب کہ ٹونی ڈی زورزی 2، روبین ہرمن 1، ڈونووین فریرا 7، کاربن بوش صفر، یورن فورٹین 3 رنز بنانے کے بعد آؤٹ ہوئے۔
اس طرح جنوبی افریقی بیٹنگ لائن پاکستانی بولرز کے سامنے ریت کی دیوار ثابت ہوئی اور پوری ٹیم مقررہ 50 اوورز بھی نہ کھیل سکی اور 37.5 اوورز میں 143 رنز بناکر آؤٹ ہوگئی اور پاکستان کو جیت کے لیے 144 رنز کا ہدف دے دیا۔
پاکستان کی طرف سے ابرار احمد نے 10 اوورز میں 27 رنز کے عوض 4 وکٹیں حاصل کیں جب کہ کپتان شاہین شاہ آفریدی، سلمان علی آغا اور محمد نواز نے 2،2 وکٹیں لیں۔
