پاکستان میں کھربوں ڈالرز کے ذخائر ہیں ، جنہیں نکالنے سے قرضوں کے پہاڑ سے نکلا جا سکتا ہے : وزیراعظم
وزیراعظم شہباز شریف کا کہا ہے کہ ہمارے پاس کھربوں ڈالرزکے ذخائر ہیں جن نکالنےسےپاکستان قرضوں کے پہاڑ سے نجات حاصل کرسکتا ہے۔
پاکستان منرل انویسٹمنٹ فورم سےخطاب کرتے ہوئے وزیراعظم نےکہا کہ کانفرس میں شرکت پر تمام مندوبین کا خیر مقدم کرتےہیں، ریکوڈک منصوبے پرپیشرفت ہوئی، یہ منصوبہ کافی عرصہ التواء کا شکار رہا مگر یکوڈک منصوبے پر پیشرفت حوصلہ افزا ہے۔
وزیراعظم نےکہا وزیراعلیٰ سندھ نے کوئلے کے ذخائرکو توانائی پیدا کرنے کےلیے استعمال کیا، پاکستان میں بالخصوص پنجاب اورسندھ میں زرخیز زمین ہے۔
عمران خان کو ملک چھوڑنے یا دو سال کےلیے خاموش رہنے کا کہا جارہا ہے : علیمہ خان
شہباز شریف نےکہا بلوچستان کے پہاڑوں میں معدنیات کے ذخائر ہیں، کے پی ، گلگت بلتستان اور آزاد کشمیر میں معدنیات کےذخائرہیں،یہ معدنی ذخائر کھربوں ڈالرز کے ہیں، ان ذخائر کو نکالنے سے پاکستان اپنے قرضوں کے پہاڑ سے نجات حاصل کر سکتا ہے۔
انہوں نےکہا میں امریکا، چین، یورپ سمیت تمام ممالک کےسرمایہ کاروں کوپاکستان میں سرمایہ کاری کی دعوت دیتاہوں، بین الاقوامی سرمایہ کاری کے لیے سود مند ہوگا کہ وہ یہاں سے خام مال باہر لے جائیں۔
انہوں نےکہ پاکستان بھر میں ان کانوں پر سرمایہ کاری کےلیےآپ کو خوش آمدید کہا جائےگا، تمام سرمایہ کاروں کو مشترکہ منصوبوں میں بھی خوش آمدید کہا جائے گا۔
