پاکستانیوں کیلئے خوشخبری ،گھر بیٹھے شناختی کارڈ بنوائیں
اب گھر بیٹھے شناختی کارڈ بنوائیں،نادرا نے پاکستانیوں نے خوشبخری سنادی ۔
نیشنل ڈیٹا بیس رجسٹریشن اتھارٹی( نادرا) کی جانب سے وفاقی دارالحکومت کے بعد کراچی میں بھی ‘نادرا بائیکر سروس’ شروع کرنے کا فیصلہ کیا گیا ہے۔
نادرا بائیکر سروس کے ذریعے قومی شناختی کارڈز کا اجراء اور تصدیقی عمل گھر پربیٹھے بھی ممکن ہوگا۔ ذرائع کے مطابق اس سہولت کے تحت شہری نادرا کے عملے کو قومی شناختی کارڈز کے متفرق مراحل کیلئے گھروں پر بلواسکیں گے۔
ذرائع کے مطابق کراچی میں متعارف کروائی جانے والی سہولت کیلئے خواتین بائیک رائیڈرز کی خدمات حاصل کی جائیں گی، قومی شناختی کارڈز بھی پرنٹ ہونے کے بعد شہریوں کے گھر پر نادرا بائیکر عملے کے ذریعے ڈیلیور کیے جائیں گے۔
واضع رہے کہ وفاقی دارالحکومت اسلام آباد میں یہ سہولت کچھ عرصہ پہلے ہی متعارف کرائی جاچکی ہے اور ضرورت مند شہری اس سے استفادہ کر رہے ہیں۔
