پاکستان نیوی کو ٹیکنالوجیز سے لیس کیا جا رہا ہے،ایڈمرل نویداشرف
پاک بحریہ کے سربراہ ایڈمرل نوید اشرف کاکہناہے کہ پاکستان نیوی کو جدید ترین پلیٹ فارمز اور خصوصی ٹیکنالوجیز سے لیس کیا جا رہا ہے، یہ دشمن کے اہم انفراسٹرکچر، کمزوریوں اور بحری اثاثوں کو نشانہ بنانے کی صلاحیت فراہم کرتی ہیں۔
پاکستان نیوی میں دوسرے پی این ملجم کلاس پی این ایس خیبر کی شمولیت کی تقریب کا انعقاد کیا گیا۔
پاک بحریہ کے سربراہ ایڈمرل نوید اشرف کاتقریب سے خطاب کرتے ہوئے کہنا تھا کہ پاکستان نیوی معرکہ حق کے دوران بھارتی ائیرکرافٹ کیریئرکونشانہ بنانےکیلئے تیار تھی لیکن بھارتی بحریہ اپنے محفوظ سمجھے جانے والے علاقوں تک محدود رہی۔
نوید اشرف نے کہا کہ پاکستان کے بحری مفادات کو چیلنج کرنے کی کسی بھی کوشش کا بھرپور جواب دیا جائے گا۔معرکۂ حق کے دوران پاکستان نیوی بھارتی بحریہ کے ائیرکرافٹ کیریئر کو نشانہ بنانے کیلئے مکمل طور پر تیار تھی، بھارتی بحریہ اپنے محفوظ سمجھے جانے والے علاقوں تک محدود رہی۔
ان کا مزید کہنا تھاکہ پاکستان نیوی کو جدید ترین پلیٹ فارمز اور خصوصی ٹیکنالوجیز سے لیس کیا جا رہا ہے، یہ دشمن کے اہم انفراسٹرکچر، کمزوریوں اور بحری اثاثوں کو نشانہ بنانے کی صلاحیت فراہم کرتی ہیں، پی این ایس خیبر جیسے جدید جہازوں اور آئندہ ہنگور کلاس آبدوزوں کی شمولیت پاکستان نیوی کی جدیدیت میں ایک اہم سنگِ میل ہے۔
نیول چیف نے پی این ایس خیبر کے عملے کیلئے نیک تمناؤں کا اظہار کیا اور ملکی سمندری حدود کا دفاع اور اپنی ذمہ داریاں پوری کرنے کا اعادہ کیا۔
