پی سی بی کی مداخلت کے بعد محمد حارث کو وطن واپسی کا ٹکٹ مل گیا
ذرائع کے مطابق محمد حارث نے صورتحال سے پی سی بی کو آگاہ کیا، جس کے بعد پاکستان کرکٹ بورڈ نے بنگلادیش بورڈ سے بات کرتے ہوئے مسئلہ حل کروا دیا اور قومی کرکٹر کو بی پی ایل انتظامیہ نے کل کی فلائٹ کا ٹکٹ دے دیا۔
ذرائع کی جانب سے بتایا گیا ہے کہ محمد حارث بنگلادیش میں بی پی ایل کھیلنے کیلئے موجود تھے۔
ذرائع کا کہنا ہے کہ ٹیم دربار راج شاہی نے تاحال کھلاڑیوں کو گھر واپسی کے ٹکٹ نہیں دیے، کھلاڑیوں کو ٹیم انتظامیہ کی جانب سے معاوضے بھی ادا نہیں کیے گیے۔
چیمپئنز ٹرافی کا پاکستان میں دوسرا ٹورشروع ہوگیا
ذرائع کے مطابق محمد حارث نے صورتحال سے پی سی بی کو آگاہ کردیاتھا ، پاکستان کرکٹ بورڈ معاملے پر حارث اور بنگلادیش بورڈ سے رابطے میں ہے اور محمد حارث کو آج اسلام آباد کی فلائٹ دلانے کی کوششیں کی جا رہیں تھیں ۔
ذرائع کا بتانا ہے کہ کھلاڑیوں کو پہلے فراہم کردہ ریٹرن ٹکٹ ٹریول ایجنٹ نے عدم ادائیگی پر کینسل کرا دیے، ٹرانسپورٹر کو بھی رقم ادا نہیں کی تھی، کچھ پلیئرز کے کٹ بیگ ٹیم بس کے مالک نے ادائیگی تک روک لیے ہیں۔
