پشاور ہائی کورٹ نے عمر ایوب کی حفاظتی ضمانت منظور کرلی
پشاور ہائی کورٹ نے پی ٹی آئی کے مرکزی رہنما عمر ایوب کو ایک مہینے کی حفاظتی ضمانت دے دی۔
قومی اسمبلی میں قائد حزب اختلاف عمر ایوب کی مقدمات کی تفصیلات سے متعلق درخواست پر سماعت جسٹس صاحبزادہ اسد اللّٰہ اور جسٹس صلاح الدین نے کی۔
دوران سماعت ڈپٹی اٹارنی جنرل نے کہاکہ عمر ایوب کے خلاف اسلام آباد میں 21 مقدمات درج ہیں۔
عمر ایوب نےکہا کہ میرے خلاف مقدمات کی تفصیلات پہلےبھی جمع ہوئی تھیں، اس کے باوجود مزید مقدمات نکل آئےتھے،آئی جی اسلام آباد نے کورٹ کو دھوکا دیا اور مقدمات چھپائے۔
ملک کو تباہی سے بچانے کا واحد حل مذاکرات ہیں : اعظم سواتی
بعد ازاں پشاور ہائی کورٹ نے حکم دیاکہ عمر ایوب کے خلاف جتنے بھی مقدمات ہوں،تفصیلات جمع کریں۔
