پشاور زلمی نے بنگلہ دیش کےتنزید حسن تمیم کوسکواڈ میں شامل کرلیا

پی ایس ایل 11 سے قبل پشاور زلمی نے بنگلہ دیش کے نوجوان بیٹر تنزید حسن تمیم کو ٹیم میں شامل کر لیا ہے۔ فرنچائز کے مطابق تمیم کی شمولیت سے ٹیم کی بیٹنگ مزید مضبوط ہوگی۔

پشاور زلمی نے سوشل میڈیا پر اعلان کیا کہ بنگلہ دیش کے اوپنر تنزید حسن تمیم اب ٹیم کا حصہ ہوں گے۔ وہ اس سے پہلے شامل کیے گئے بنگلہ دیشی کھلاڑیوں نہید رانا اور شوریف الاسلام کے ساتھ کھیلیں گے۔

تمیم حالیہ عرصے میں شاندار فارم میں ہیں اور انہوں نے ٹی 20 انٹرنیشنل میں 45 میچز کھیل کر 1100 سے زائد رنز بنا رکھے ہیں۔ اس کے علاوہ وہ بنگلہ دیش پریمیئر لیگ میں بھی اچھی کارکردگی دکھا چکے ہیں۔

تمیم کی شمولیت کے بعد اس سیزن میں بنگلہ دیشی کھلاڑیوں کی تعداد بڑھ کر چھ ہو گئی ہے، جو پی ایس ایل میں ایک نمایاں اضافہ ہے۔