صدر آصف علی زرداری 5 روزہ دورے پر کل عراق روانہ ہوں گے

صدر مملکت آصف علی زرداری 5 روزہ دورے پر کل عراق کے سرکاری دورے پر روانہ ہوں گے۔

ترجمان دفتر خارجہ کے مطابق صدر آصف علی زرداری کل سے 20 تا 24 دسمبر تک عراق کا دورہ کریں گے، جس کے دوران وہ عراقی قیادت سے اعلیٰ سطحی ملاقاتیں کریں گے تاکہ دوطرفہ تعلقات کا جائزہ لیا جا سکے اور اہم شعبوں میں تعاون کو مضبوط بنانے کے مواقع تلاش کیے جاسکیں۔

صدر زرداری اس دورے پر اپنے عراقی ہم منصب عبداللطیف جمال رشید کی دعوت پر عراق جائیں گے۔

دفتر خارجہ نے بیان میں کہا کہ یہ دورہ پاکستان اور عراق کے دیرینہ، بھائی چارے پر مبنی تعلقات کو اجاگر کرتا ہے، جو مشترکہ ایمان، ثقافت اور باہمی احترام کے رشتوں پر مبنی ہیں۔