وزیراعظم رمضان پیکج : 40 لاکھ مستحقین کو 5 ہزار روپے فی خاندان دینےکا اعلان
وفاقی وزیرصنعت و پیداواررانا تنویر حسین نے اعلان کیا ہے کہ وزیر اعظم کے رمضان ریلیف پیکج کے تحت اس بار کیش ٹرانسفر کیا جائےگا۔
میڈیا سےگفتگو میں رانا تنویر حسین کاکہنا تھاکہ وزیر اعظم کے رمضان ریلیف پیکج کے تحت اس بار ہم 40 لاکھ مستحقین کو فی مستحق خاندان 5 ہزارکیش رقم فراہم کر رہے ہیں۔
انہوں نےکہا کہ مستحقین کی کیٹیگری میں آنے والے افراد کو کیش ٹرانسفر کریں گے اور اس کیٹیگری میں آنے والے آبادی کی تعداد 2 کروڑ کے قریب ہے۔
امریکی اسلحہ پاکستان میں دہشت گردی کےلیے استعمال ہو رہا ہے : ترجمان دفترِ خارجہ
رانا تنویرحسین کا کہنا تھاکہ پچھلے سال یوٹیلٹی اسٹورز کےذریعےسبسڈی کا تجربہ اچھا نہیں رہا تھا، یوٹیلٹی اسٹورز پربدانتظامی بھی تھی کوالٹی بھی صحیح نہیں تھی اور وزیراعظم کو بھی اس حوالے سے بہت سی شکایات تھیں۔
ان کا کہنا تھاکہ یوٹیلٹی اسٹور کو کہا ہےکہ اپنا فنانشنل ماڈل ٹھیک کریں،یوٹیلٹی اسٹورمینوفیکچررز یا ملز مالکان سے خریداری کے وقت ڈسکاؤنٹ لیں۔
وفاقی وزیر کا کہنا تھاکہ یوٹیلٹی اسٹور نے کہا ہےکہ وہ سبسڈی کےبغیر اشیا پر 15 فیصد رعایت دیں گے، یوٹیلٹی اسٹور پر کوالٹی چیک کی ہے، بہتر معیارہے،قیمت بھی بازار سے سستی ہے،رمضان میں یوٹیلٹی اسٹور کو زیادہ کام کرنا چاہیے،چینی کی قیمت کم کریں۔
