پی ایس ایل ،کراچی کنگز نےملتان سلطانزکو4وکٹوں سے شکست دیدی

ایچ بی ایل پی ایس ایل 10 میں کراچی کنگز نے ملتان سلطانزکو4وکٹوں سے شکست دیدی۔

 ایچ بی ایل پاکستان سپر لیگ 10 میں کراچی کنگز نے جیمز ونس کی دھواں دار سینچری کی بدولت ملتان سلطانز کو 4 وکٹوں سے شکست دے دی۔

نیشنل اسٹیڈیم کراچی میں کھیلے گئے ایونٹ کے تیسرے میچ میں کراچی کنگز نے 237 رنز کا ہدف آخری اوور میں 6 وکٹوں کے نقصان پر حاصل کیا۔

کنگزکے جیمز ونس نے دھواں دار 101 رنز بنا کر ٹیم کی فتح میں کلیدی کردار ادا کیا۔ خوشدل شاہ  60، ٹِم سائفرٹ 32، کپتان ڈیوڈ وارنر 12، عرفات منہاس 10 جبکہ شان مسعود 0 رنز بنا کر آؤٹ ہوئے۔

عباس آفریدی 9 اور عرفان خان 5 رنز بنا کر ناٹ آؤٹ پویلین لوٹے۔

ملتان سلطانز کی جانب سے عاکف جاوید نے 3 جبکہ  اسامہ میر اور مائیکل بریسویل نے 1، 1 وکٹ حاصل کی۔

اس سے قبل کراچی کنگز کی دعوت پر پہلے بیٹنگ کرتے ہوئے ملتان سلطانز نے مقرر 20 اوورز میں 3 وکٹوں کے نقصان پر 234 رنز بنائے۔

کپتان محمد رضوان 105 رنز بنا کر ناقابلِ شکست پویلین لوٹے۔ مائیکل بریسویل 44 رنز بنا کر ناٹ آؤٹ رہے۔

کامران غلام 36، عثمان خان 19 اور شائی ہوپ 8 رنز بنا کر آؤٹ ہوئے۔

کراچی کنگز کی جانب سے خوشدل شاہ ، حسن علی اور عباس آفریدی نے 1، 1 وکٹ حاصل کی۔

ملتان سلطانز اسکواڈ کے سکواڈ میں محمد رضوان (کپتان)، شائی ہوپ، عثمان خان، افتخار احمد، کامران غلام، مائیکل بریسویل، شاہد عزیز، ڈیوڈ ولے، کرس جارڈن، اسامہ میر، عاکف جاوید شامل تھے۔

یاد رہے کہ کراچی کنگز اور ملتان سلطانز 13 بار آمنے سامنے آچکے ہیں، جن میں سے 7 میچز ملتان سلطانز جبکہ 6 کراچی کنگز نے جیتے۔