پی ٹی آئی اراکین نے پنجاب اسمبلی میں غنڈہ گردی کی
پنجاب اسمبلی اراکین کے ڈپٹی سپیکر دوست مزاری پر تشدد کے حوالے سے مسلم لیگ ن کی نائب صدر مریم نواز نے ردعمل دیتے ہوئے کہا کہ تحریک انصاف کے اراکین نے پنجاب اسمبلی میں اپنی شکست دیکھتے ہوئے غنڈہ گردی شروع کر دی۔
انھوں نے کہا کہ جتنا چاہے پھڑپھڑا لو، پنجاب کا حق پنجاب کے عوام کو آج انشاءاللّہ مل کر رہے گا، مزید کہا کہ وہ ترقی جو 2018 میں ان سے چھین لی گئی تھی، وہ پنجاب واپس لے کر رہے گا۔
غنڈہ گردوں کے گروہ نے جس کا نام PTI ہے پنجاب میں اپنی شکست سامنے دیکھتے ہوئے پھر سے غنڈہ شروع کر دی۔جتنا چاہے پھڑپھڑا لو، پنجاب کا حق پنجاب کے عوام کو آج انشاءاللّہ مل کر رہے گا۔وہ ترقی جو 2018 میں ان سے چھین لی گئی تھی، وہ پنجاب واپس لے کر رہے گا۔وزیر اعلی حمزہ شہباز انشاءاللّہ!
— Maryam Nawaz Sharif (@MaryamNSharif) April 16, 2022
حکومتی ارکان نے ڈپٹی اسپیکر دوست محمد مزاری کی نشست کا گھیراؤ کر لیا، دوست مزاری کو دھکے دئیے گئے اور لوٹے مارے گئے، حکومتی ارکان نے ڈپٹی سپیکر پر لوٹے اُچھالے، پنجاب اسمبلی کا اجلاس بدنظمی کا شکار ہو گیا، صورتحال بگڑنے پر سیکیورٹی طلب کر لی گئی ۔
ڈپٹی سپیکرپرتھپڑوں سے حملہ، پنجاب اسمبلی اجلاس تاخیر کا شکار
واضح رہے کہ پنجاب اسمبلی کے 16اپریل کو ہونے والے اجلاس کا ایجنڈا جاری کر دیا گیا، ایجنڈے کے مطابق اجلاس میں آئین کے آرٹیکل 130کے تحت قائد ایوان کا انتخاب ہو گا۔ پنجاب کے نئے وزیر اعلیٰ کے انتخاب کیلئے ( ہفتہ) کو پنجاب اسمبلی کے ایوان میں ہونے والی ووٹنگ کے موقع پر محکمہ داخلہ نے فول پروف سکیورٹی کے انتظامات کرنے کا فیصلہ کیا۔
