پنجاب اسمبلی،قذافی سٹیڈیم کے قریب ہوٹل کی تعمیر کی قرار داد منظور
پنجاب اسمبلی میں قذافی سٹیڈیم کے قریب فائیو سٹار ہوٹل کی تعمیر کے لیے قرارداد منظور کرلی گئی۔
پنجاب اسمبلی کے اجلاس میں قذافی سٹیڈیم کے قریب فائیو سٹار ہوٹل کی تعمیر کے لیے قرارداد حکومتی رکن شعیب صدیقی نے پیش کی۔
قرارداد میں کہا گیا کہ کھلاڑیوں کی ہوٹل سے قذافی سٹیڈیم آمدورفت کے دوران ٹریفک متاثر ہوتا ہے۔ ٹریفک جام سے بعض اوقات مریض راستے میں ہی دم توڑ دیتے ہیں، اس لیے قذافی اسٹیڈیم کے قریب ہی فائیو سٹار ہوٹل تعمیر کیا جائے۔
پنجاب اسمبلی کا اجلاس کل دوپہر 2 بجے تک ملتوی کردیا گیا۔
