پنجاب اسمبلی کا اجلاس 6 اپریل تک ملتوی

نئے وزیراعلیٰ کے انتخاب کے لیے پنجاب اسمبلی کا اجلاس 6 اپریل تک ملتوی کر دیا گیا ہے، جلاس کے آغاز پر اسمبلی میں اراکین کی بڑی تعداد موجود تھی، آج وزیراعلی پنجاب کا انتخاب ہونا تھا۔

تحریک انصاف اور مسلم لیگ ق نے وزارت اعلی کیلئے امیدوار پرویز الہی کو نامزد کیا تھا اور حمزہ شہباز متحدہ اپوزیشن کے امیدوار تھے۔ عبد العلیم خان گروپ نے نئے وزیراعلیٰ پنجاب کے لیے حمزہ شہباز کی حمایت کا اعلان کر رکھا تھا جبکہ ترین گروپ بھی حمزہ شہباز کے حمایتیوں میں شامل تھا۔

تحریک عدم اعتما دمسترد ہونے کے بعد اپوزیشن نے اپنااجلاس لگا لیا

یاد رہے کہ اسمبلی اجلاس سے قبل اراکین اسمبلی کی جوڑ توڑ کا سلسلہ پوری شدت سے جاری رہا، وفاقی وزیر مونس الٰہی نے علیم خان گروپ کے ارکان توڑ لئے جن میں اشرف رند، عون ڈوگر، خرم لغاری، اویس دریشک اور علمدار قریشی شامل ہیں۔ ترین گروپ کے بھی تین رہنماوں عبدالحئی دستی، رفاقت گیلانی اور امیر محمد خان نے پرویز الہی کی حمایت کا اعلان کیا ہے۔