نیب ترمیمی آرڈیننس میں مزید ترامیم کا فیصلہ

حکومت کی جانب سے نیب ترمیمی آرڈیننس میں مزید ترامیم کا فیصلہ کیا گیا ہے ، نیا نیب ترمیمی آرڈیننس قومی اسمبلی اجلاس ختم ہونے کے بعد جاری کیا جائے گا۔

حکومتی فیصلے کے مطابق عوام کے ساتھ وسیع پیمانے پر دھوکہ دہی ، فراڈ کو دوبارہ نیب کے دائرہ اختیار میں لایا جائے گا۔ موجودہ آرڈیننس میں ملزم پر جتنی کرپشن کا الزام ہے ، زر ضمانت اتنا ہی رکھا گیا ہے۔

احتساب عدالت کو زر ضمانت کے تعین کا اختیار دینے کا بھی فیصلہ کر لیا گیا ہے ، حالیہ آرڈیننس سے تاثر مل رہا کہ بیانات صرف ویڈیو لنک پر ہی ریکارڈ ہو سکتے ہیں ، گواہان کے بیانات کی ویڈیو ریکارڈنگ اور آن لائن بیانات پر بھی وضاحت ہوگی۔