عوامی مسلم لیگ کے سربراہ اورتحریک انصاف کے اتحادی شیخ رشید احمد نے جلیل شرقپوری کورشوت دینے کا بھانڈہ پھوڑ دیا ہے۔
عوامی مسلم لیگ کے سربراہ اورتحریک انصاف کے اتحادی شیخ رشید احمد اور گل زمان نامی شخص نے جلیل شرقپوری سے متعلق آڈیو کلپ کی تصدیق کر دی ہے۔جبکہ اس حوالے سے جلیل شرقپوری کا کہنا ہے کہ مبینہ آڈیو میں شیخ رشید کی آواز ہے تو یہ باقاعدہ منصوبہ بندی ہے، قرآن پاک پر حلف دیتا ہوں کہ شیخ رشید دو نمبر آدمی ہے۔

مظفرآباد :باراتیوں کی گاڑی ڈیم میں گرنے سے 4 جاں بحق،5 زخمی

سماجی رابطوں کی ویب سائٹ ٹویٹرپرایک ویڈیو پیغام میں شیخ رشید احمد نے کہا میرے نام سے جو مبینہ آڈیو آئی ہے یہ اُجرتی قاتل رانا ثناء اللہ نے جاری کی ہے،جلیل احمد شرقپوری ایک عظیم، شریف اور دیانتدار شخص ہیں، وہ اللہ اور اس کے رسول کی ناموس کی حفاظت کرنے والے انسان ہیں، ، اس منشیات فروش نے جاری کی ہے جس نے فون کو جوڑ کر ایسی باتیں جاری کیں جس سے کسی ایک شریف آدمی کی عزت کو مجروح کیا جائے۔

شیخ رشید نے کہا کہ جلیل احمد شرقپوری کی عزت پر کسی قسم کا کوئی دھبہ نہیں ہے، حکومت کو تکلیف ہے جلیل شرقپوری نے اپنا استعفی پرویز الٰہی کو کیوں دیا کیونکہ وہ وزارت اعلیٰ کے امیدوار ہیں، میں ساری قوم کو بتانا چاہتا ہوں اس حکومت کی حالت دیکھیں یہ کس قسم کے گندے اور پراپیگنڈے پر آ گئی ہے۔

انہوں نے کہا جو اُس شائستہ اور ناشائستہ کو اٹھاتے ہیں اللہ کی پکڑ میں آئیں گئے، جلیل احمد شرقپوری کی حلف پر میں قسم کھاتا ہوں کہ وہ نیک انسان ہیں، میرا ان سے کوئی سیاسی تعلق نہیں ہے۔

شیخ رشید نے کہامیں صوبے کی سیاست پر یقین نہیں رکھتا، میری طرف سے جو باتیں کی گئی ہیں اس میں نے کچھ از راہِ مذاق بات کی ہیں، لیکن ساری قوم کو دیکھ لے حکومت فون ٹیپ کرنے سے باز نہیں آتی، انشاء اللہ یہ اللہ کی پکڑ میں آئینگے۔

ایک ویڈیو پیغام میں مسلم لیگ ن کے سابق رکن پنجاب اسمبلی جلیل شرقپوری نے کہامبینہ آڈیو میں شیخ رشید کی آواز ہے تو یہ باقاعدہ منصوبہ بندی ہے، قرآن پاک پر حلف دیتا ہوں کہ شیخ رشید دو نمبر آدمی ہے،شیخ رشید عمران خان کا دشمن ہے، شیخ رشیدکسی کے کہنے پر جھوٹ بول رہا ہے، عمران خان کو بتایا تھا کہ علیم خان آپ کے ساتھ نہیں ہے، شیخ رشید بھی عمران خان کے لیے دو نمبر آدمی ہے۔

ادھر شیخ رشید سے ن لیگ کے سابق رکن پنجاب اسمبلی میاں جلیل شرقپوری سے متعلق ٹیلی فون پر بات کرنے والےگل زمان نامی شخص نے شیخ رشید سے فون پر بات کی تصدیق کردی۔

انکا کہنا تھاصبح شیخ رشید نے فون پر ادائیگی کی بات کی تو انہیں روک دیا، جلیل شرقپوری کو جانتا ہوں نہ کبھی ملاقات ہوئی،گل زمان کے مطابق انہیں معلوم نہیں کہ شیخ رشید کے ذہن میں کیا تھا کہ ایسا سوال کیا، میرا اس قسم کی باتوں سے کوئی تعلق نہیں، چوہدری برادران سے میرا تعلق 25 سال پرانا ہے۔

دریں اثنا شیخ رشید کی شرقپوری کو پیمنٹ کرنے کے حوالے سے مبینہ آڈیو لیک ہوگئی ہے ، جس میں وہ گل زمان نامی شخص سے کہہ رہے ہیں کہ پھر کل شرقپوری کو بھی آپ نے پیمنٹ دیدی۔

میڈیا رپورٹس کے مطابق شیخ رشید اور گل زمان نامی شخص کی مبینہ آڈیومیں سنا جا سکتا ہے کہ شیخ رشید نے کہا کہ پھر کل شرقپوری کو بھی آپ نے پیمنٹ دے دی ، جس پر گل زمان نامی شخص نے کہا کہ یہ ٹیلیفون ہے خدا کے بندے ، صورتحال دیکھیں انشا اللہ بیڑہ پار ہوگا۔

مبینہ لیکڈ آڈیو کلپ میں شیخ رشید کہتے ہیں کہ میں نے آپ کی وجہ سے بیپر دیاہے جس پر گل زمان کہتے ہیں کہ آپ نے میری وجہ سے بیپر دیا ہے ، اللہ پردہ رکھنے والا ہے ۔ شیخ رشید کہتے ہیں آپ ابھی تک نکلے نہیں ، اتنا زبردست الیکشن ہے ، زمان خان کہتے ہیں کہ ابھی ٹھہر کر نکلیں گے ، ٹیلی فونوں پر لگے ہوئے ہیں صبح سے ، خبر دیں گے آپ کو کچھ دیر بعد۔