شہباز شریف کا سپیکر قومی اسمبلی اسد قیصر کے نام خط

تحریک عدم اعتماد کے اعلان کے بعد شہر اقتدار میں سیاسی پارہ ہائی، اپوزیشن لیڈر شہبازشریف نے اس سلسلے میں خط و کتابت شروع کر دی۔

قائد حزب اختلاف شہباز شریف نے ا سپیکر قومی اسمبلی سمیت سیکریٹری داخلہ ، ڈسٹرکٹ ایڈمنسٹریشن اور آئی جی اسلام آباد کے نام خط لکھا کہ جیسا آپ کو معلوم ہے اپوزیشن نے 8 مارچ کو تحریک عدم اعتماد پالیمنٹ میں جمع کرائی ، اسی دن اسمبلی کا اجلاس طلب کرنے کیلئے ریکوزیشن بھی جمع کرائی گئی ہے۔

خط کے متن کے مطابق تحریک عدم سے متعلق قومی اسمبلی کا اجلاس بلانے کیلئے آئین اور قانون واضح ہے، ہر رکن قومی اسمبلی کا حق ہے کہ وہ اجلاس میں شرکت کرے، وزیراعظم، وفاقی وزراء اور وزیراعظم کے مشیران کے علاوہ بعض دیگر ذمہ داران نے اراکین کو روکنے سے متعلق بیان دے رکھے ہیں۔

پاکستان کے اگلے وزیر اعظم شہباز شریف ہوں گے

اس ضمن میں غیر پارلیمانی زبان بھی استعمال کی جا رہی ہے، وزیراعظم نے ایک جلسے میں اپوزیشن لیڈر کو دھمکی بھی دی کہ انہیں دیکھ لونگا۔
وزیر اعظم نے ڈی چوک پر 10 لاکھ لوگ اکٹھے کرنے کا بیان دے رکھا ہے، وزیراعظم نے کہا کہ اراکین قومی اسمبلی کو ان لوگوں کے درمیان سے گزر کر جانا ہوگا،اس سلسلے میں خون ریزی کا خطرہ ہے۔