ڈرامہ سیریل ’’خانی‘‘ سے شہرت حاصل کرنیوالی معروف اداکارہ ثنا جاوید نے 2020 میں معروف گلوکار عمیر جسوال سے شادی رچائی تھی، اور نومبر 2023 میں دونوں کے درمیان طلاق ہوگئی، دونوں نے اپنے سوشل میڈیا پر ایک دوسرے کی تصاویر شیئر کرنا بھی بند کر دیں۔خوبرو اداکارہ ثناء جاوید اور اُن کے شوہر گلوکار عمیر جسوال کے درمیان علیحدگی کی افواہیں سچ ہوگئیں کیونکہ ثنا جاوید نے سابق کرکٹر شعیب ملک کے ساتھ شادی کرلی جس کی انہوں نے تصدیق کرتے ہوئے سوشل میڈیا پر تصویر بھی شیئرکی۔معروف اداکارہ ثنا جاوید مختلف پاکستانی ڈراموں میں مرکزی کردار ادا کرچکی ہیں جبکہ لالی ووڈ فلموں میں بھی کام کر چکی ہیں، انہوں نے اپنے سابق شوہر گلوکار عمیر جسوال جنہوں نے کوک سٹوڈیو کا گانا ’’سمی میری وار‘‘ سے شہرت حاصل کی تھی سے طلاق لے لی۔اداکارہ ثناء جاوید نے 2020 میں ایک سادہ سی تقریب میں گلوکار عمیر جسوال کے ساتھ رشتۂ ازدواج میں منسلک ہوئی تھیں، میڈیا رپورٹس کے مطابق اس جوڑے نے اپنے انسٹا گرام اکاؤنٹس سے ایک دوسرے کے ہمراہ اپ لوڈ کی گئی سب ہی تصویریں اور ویڈیوز بھی ہٹا دی تھیں۔ دوسری جانب عمیر جسوال گزشتہ دنوں سعودی عرب میں اپنے ایک شاہی خاندان سے تعلق رکھنے والے دوست کی شادی میں تنِ تنہا شریک ہوئے تھے، بعد ازاں انہوں نے عمرہ بھی ادا کیا، اس دوران بھی اُن کے ہمراہ اُن کی اہلیہ ثناء جاوید کو نہیں دیکھا گیا تھا۔ثناء جاوید اور عمیر جسوال کی جانب سے دیئے جانے والے اشاروں سے سوشل میڈیا پیجز اور صارفین کی جانب سے قیاس آرائیاں کی جا رہی تھیں کہ اس جوڑی کے درمیان علیحدگی ہو گئی ہے لیکن ان دونوں کی جانب سے کسی بھی قسم کی تصدیق یا تردید تاحال نہیں کی گئی تھی۔بعد ازاں دونوں نے اپنے اپنے سوشل میڈیا اکاؤنٹس سے ایک دوسرے کی تصاویر ڈیلیٹ کر دیں اور پھر خبریں آئیں کہ دونوں میں طلاق ہو گئی، واضح رہے ثنا جاوید نے اپنی پیشہ ورانہ زندگی کا آغاز ٹی وی اشتہارات میں بطور ماڈل کیا، انہوں نے 2012ء کی سیریز ’’میرا پہلا پیار‘‘ میں معاون کردار کے طور پر اداکاری کا آغاز کیا اور اسی سال ڈراما شہر ذات میں بھی ایک چھوٹا سا کردار ادا کیا، ثنا جاوید نے معروف ڈرامہ ’’پیارے افضل‘‘ میں بھی معاون اداکارہ کا کردار ادا کیا، بعد میں ایک مشہور ڈرامہ سیریل ’’خانی‘‘ میں مرکزی کردار سے شہرت حاصل کی۔ انہوں نے ’’مہرونسا وی لب یو‘‘ اور ’’دنو کی دلہنیا‘‘ سمیت دیگر

فلموں میں بھی کام کیا۔