بریگیڈیئر (ر) مصدق عباسی معاون خصوصی برائے احتساب مقرر
سابق ڈی جی نیب بریگیڈیئر (ر) مصدق عباسی کو معاون خصوصی برائے احتساب مقر رکرنے کا فیصلہ کیا گیا۔
ذرائع کے مطابق مصدق عباسی کی تعیناتی کانوٹیفکیشن جلد جاری کیا جائے گا، بریگیڈیئر (ر) مصدق عباسی کو شہزاد اکبر کی جگہ معاون خصوصی برائے احتساب مقر ر کیا جائے گا۔
یاد رہے دو روز قبل مشیر داخلہ و احتساب شہزاد اکبر نے اپنے عہدے سے استعفی دیا جو وزیراعظم عمران خان نے منظور کرلیا تھا۔
ٹویٹر پر مشیر داخلہ شہزاد اکبر نے اپنے استعفے کی تصدیق کرتے ہوئے لکھا تھا کہ مجھے پوری اُمید ہے کہ پی ٹی آئی کے منشور کے مطابق احتساب کا عمل وزیراعظم عمران خان کی قیادت میں جاری رہے گا۔
شہزاد اکبر نے پارٹی سے وابستہ رہوں گا اور وکلاء برادری کے ممبر کی حیثیت سے اپنا حصہ ڈالتا رہوں گا۔
