بچے کی پیدائش کافی تکلیف دہ تھی، لیکن جنم دینا اچھا لگا
معروف اداکار یاسر حسین سے شادی کرنے اور پھر بیٹے کی پیدائش کے بعد شوبز سے دور ہو جانے والی خوبصورت اداکارہ
اقرا عزیز نے انکشاف کیا ہے کہ انکے پہلے بچے کی ولادت نارمل ڈلیوری نہیں تھی بلکہ سیزیرین آپریشن کے ذریعے ہوئی جو کہ کافی تکلیف دہ تھا
لیکن ان کا کہنا ہے کہ تمام تکلیف کے باوجود انہیں بچے کو جنم دینا اچھا لگا۔ اداکارہ نے اپنی سوشل میڈیا پوسٹ میں ان تمام خواتین کی تعریفیں کرتے ہوئے انہیں بہادر قرار دیا جو بچوں کی پیدائش کے وقت آپریشن یا طبی پیچیدگیوں سے گزرتی ہیں۔
جولائی 2021 میں پہلے بیٹے کو جنم دے کر ماں بننے والی اداکارہ اقرا عزیز نے پہلی بار بچے کو جنم دیتے وقت خود کو پہنچنے والی تکالیف کا ذکر کرتے ہوئے ان خواتین کی بھی تعریفیں کی ہیں جو مشکلات برداشت کرکے انسان کو اس دنیا میں لاتی ہیں۔
یاد رہے کہ اقرا عزیز اور یاسر حسین کے ہاں جولائی 2021 میں پہلے بیٹے کبیر حسین کی پیدائش ہوئی تھی، دونوں نے دسمبر 2019 میں شادی کی تھی۔ بچے کی پیدائش کے وقت اقرا عزیز نے شوبز کی مصروفیات سے وقفہ لیا تھا اور انہوں نے بیٹے کی پیدائش سے پہلے اور بعد ازاں تقریبا 8 ماہ تک خود کو گھر تک محدود رکھا تھا۔
اب کچھ عرصے سے اقرا عزیز ایوارڈز شو سمیت دیگر پروگراموں میں دکھائی دیتی ہیں اور حال ہی میں انہوں نے بچے کو جنم دیتے وقت خود کو پہنچنے والی مشکلات سے متعلق سوشل میڈیا پر پوسٹ شیئر کی تھی، جس پر ان کی تعریفیں کی جا رہی ہیں۔
اقرا عزیز نے کچھ دن قبل انسٹاگرام اسٹوری میں بیٹے کبیر حسین کے وقت اپنے آپریشن یعنی (سی سیکشن) کے بعد کی تصویر شیئر کرتے ہوئے جذباتی پیغام لکھا تھا۔اداکارہ نے انسٹاگرام اسٹوری میں سیزر کی وجہ سے اپنے جسم پر پڑنے والے زخموں کے نشانات کی تصویر شیئر کرتے ہوئے بتایا کہ کس قدر انہوں نے تکالیف برداشت کرکے بیٹے کو جنم دیا۔ اقرا عزیز نے لکھا کہ اب تک انہوں نے کبیر کو جنم دیتے وقت پہنچنے والی تکالیف کا اس لیے ذکر نہیں کیا، کیوں کہ ہمارے معاشرہ ایسی باتیں کرنے پر اس شخص کے کردار پر بات کرنے لگتا ہے۔
اداکارہ نے اعتراف کیا کہ کسی حد تک پہلے وہ بھی ایسی ہی سوچ کی مالک تھیں۔ اقرا عزیز نے لکھا کہ تکالیف پہنچنے کے باوجود انہیں بچے کو جنم دینا اچھا لگا، انہیں ایک انسان کو دنیا میں لانے پر حوصلہ ملا۔ اقرا نے پوسٹ میں ان تمام خواتین کی تعریفیں کرتے ہوئے انہیں بہادر قرار دیا جو بچوں کی پیدائش کے وقت ’سیرز‘ سمیت دیگر طرح کے آپریشن یا طبی پیچیدگیوں سے گزرتی ہیں۔
پاکستانی جرمن ماڈل صوفیا خان دوبارہ دُلہن کیوں بنیں؟
انہوں نے وہ تمام خواتین تعریف کے لائق ہیں جو درد برداشت کرکے انسان کو دنیا میں لاتی ہیں اور یہ عمل ایسے افراد کی باتوں کا جواب بھی ہے جو یہ کہتے ہیں کہ خواتین کچھ نہیں کر سکتیں۔ اقرا عزیز کی مذکورہ پوسٹ کو ان کے شوہر یاسر حسین نے بھی اسٹوری میں شیئر کیا اور انہوں نے بھی ان تمام خواتین کو بہادر قرار دیتے ہوئے ان کی تعریفیں کیں جو بچوں کی پیدائش کے وقت تکالیف سے گزرتی ہیں۔ اقرا عزیز کی جانب سے پوسٹ کیے جانے کے بعد کئی لوگوں نے ان کی تعریفیں بھی کیں۔
