غزہ جنگ بندی ڈیل 3 مراحل پر مشتمل ہوگی، اہم نکات آگئے

غزہ جنگ بندی معاہدے کے اہم نکات سامنے آ گئے،غزہ جنگ بندی ڈیل 3 مراحل پر مشتمل ہوگی۔

رپورٹ کے مطابق ڈیل کے پہلے مرحلے میں33 اسرائیلی یرغمالیوں کورہا کرنےکی تجویز ہے جس کے بدلے اسرائیل ہرفوجی خاتون یرغمالی کے بدلے50 اور باقی یرغمالیوں کے بدلے30 فلسطینی رہا کرےگا۔

اسرائیلی میڈیا نےرپورٹ میں یہ دعویٰ بھی کیا کہ اسرائیلی فوج ڈیل کےپہلےمرحلے میں مصر اورغزہ بارڈرپرقائم گزرگاہ فلاڈیلفی کوریڈور کوبھی خالی کردے گی۔

جنگ بندی ڈیل کے دوسرے مرحلے کا آغاز سیز فائر شروع ہونے کے 16 دن بعد ہوگا جس میں باقی قیدیوں اور فوجیوں کی رہائی سے متعلق بات ہوگی۔

اسرائیلی میڈیا کا بتانا ہےکہ تیسرےمرحلےمیں طویل مدتی اقدامات پر بات ہوگی جس میں غزہ کی دوبارہ آباد کاری اور نئی حکومت کےقیام سے متعلق بات چیت کی جائیگی۔

قطری وزارت خارجہ کے ترجمان نے پریس کانفرنس کرتے ہوئے مذاکرات کے جاری رہنے کی تصدیق کی اور کہا کہ ہم ایک معاہدے کے قریب ہیں اور سنجیدہ مذاکرات جاری ہیں مگر جب تک جنگ بندی کا اعلان نہیں ہوتا کچھ بھی حتمی طور پر نہیں کہا جاسکتا ہے۔