نوازشریف کی زیرصدارت اجلاس کی اندرونی کہانی سامنےآ گئی

مسلم لیگ ن کے صدر نوازشریف کی زیرصدارت اجلاس کی اندرونی کہانی سامنے آ گئی۔

پاکستان مسلم لیگ(ن) کے صدر اور سابق وزیراعظم محمد نواز شریف نے عوام کو ریلیف دینے کے لئے ملک کی تمام سیاسی جماعتوں، حکومتوں اور اداروں کو مل کر فیصلے کرنے کی تجویز دے دی۔

نواز شریف نے کہاکہ وفاقی اور صوبائی حکومتیں اپنے اخراجات میں کٹوتی اور بچت سے عوام کے ریلیف کےلئے وسائل مہیا کریں۔ چاہتاہوں کہ پاکستان کے ہرشہری کو مہنگائی سے جلد ریلیف ملے۔

موجودہ ملکی سیاسی معاشی صورتحال پر مسلم لیگ ن کے بڑوں کی نواز شریف کی زیرصدارت 3 گھنٹے بڑی بیٹھک ہوئی۔

وزیراعظم شہبازشریف، وزیراعلی پنجاب مریم نوازشریف، پارٹی کے نائب صدر حمزہ شہباز، پارٹی کے سینئر رہنماﺅں اور عہدیداروں کی شرکت۔ اجلاس میں مجموعی سیاسی و معاشی صورتحال اور عوام کو ریلیف دینے کے اقدامات پر مشاورت ہوئی۔

اجلاس سے خطاب کرتے ہوئے نواز شریف نے کہا کہ ملک کو معاشی بحران سے نکالنے اور عوام کو ریلیف دینے کے لئے تمام سیاسی و حکومتی قیادت اور اداروں کو مل بیٹھ کر فیصلے کرنے کی ضرورت ہے۔

نواز شریف کا کہنا تھا کہ وفاقی اور صوبائی حکومتیں اپنے اخراجات میں کٹوتی اور بچت سے عوام کے ریلیف کےلئے وسائل مہیا کریں۔ چاہتاہوں کہ پاکستان کے ہرشہری کو مہنگائی سے جلد ریلیف ملے۔ نواز شریف نے کہا کہ وزیراعظم شہباز شریف مشکل معاشی حالات میں نہایت محنت، جذبے اور بھرپور صلاحیت سے پرخلوص کام کر رہے ہیں۔ انہوں نے پنجاب کے عوام کو بجلی بلوں میں14 روپے فی یونٹ ریلیف کی فراہمی شروع ہونے پر وزیراعلی مریم نوازشریف کو شاباش بھی دی۔

اجلاس کے دوران وزیراعظم شہبازشریف نے عوام کے ریلیف کے لئے وفاقی حکومت کے اقدامات پر پارٹی سربراہ کو بریف کیا اور سیاسی جماعتوں کے قائدین سے ہونے والی بات چیت پر بھی پارٹی صدر کو اعتماد میں لیا

میں پی ٹی آئی سے مذاکرات کے حق میں نہیں : خواجہ آصف

وزیراعظم شہباز شریف نے کہا کہ خسارے کے شکار اداروں سے نجات کے ذریعے عوامی ریلیف کے لئے مالی گنجائش پیدا کرنے کی کوشش جاری ہے۔ عوام کو ریلیف کی ہر ممکن کوشش کر رہے ہیں۔اجلاس کے دوران وزیراعلی پنجاب مریم نوازشریف نے پنجاب میں عوام کو بجلی بلوں میں ریلیف کے اقدامات پر پارٹی صدر کو آگاہ کیا۔