ایوان صدر نے وفاقی حکومت سے ایک سالہ کارکردگی کی رپورٹ مانگ لی

صدر مملکت آصف علی زرداری کے پارلیمنٹ کے مشترکہ اجلاس سے خطاب سے قبل ایوان صدر نے وفاقی حکومت سے ایک سالہ کارکردگی کی رپورٹ مانگ لی ہے۔

ذرائع کا کہناہے کہ صدر پاکستان آصف علی زرداری اپنے خطاب میں حکومت کی ایک سالہ کارکردگی کے اہم نکات کا ذکر کریں گے،صدر کی تقریر میں حکومت کے اہم معاشی اقدامات کے نتائج کا بھی ذکر ہوگا۔

ذرائع کے مطابق صدر اپنے خطاب میں کشمیر اور فلسطین سمیت اہم علاقائی و عالمی امور پر بھی اظہار خیال کریں گے۔

ذرائع کا بتانا ہےکہ اپوزیشن کےمتوقع احتجاج کے پیش نظر صدر کےخطاب کا دورانیہ 20 سے 25 منٹ ہوگا۔

ذرائع کا کہنا ہے کہ پارلیمنٹ کا مشترکہ اجلاس 10 مارچ کو بلانے کا فیصلہ کیاگیا ہے۔

ورلڈ بینک نے پاکستان کو معاشی طور پر مستحکم قرار دے دیا

خیال رہے کہ صدر مملکت کے خطاب کے ساتھ ہی دوسرے پارلیمانی سال کا آغاز ہو جائے گا۔

اسپیکر قومی اسمبلی سردار ایاز صادق پارلیمنٹ کے مشتکہ اجلاس کی صدارت کریں گے،عسکری قیادت،گورنرز اور وزرائے اعلیٰ سمیت صوبائی اسمبلیوں کے اسپیکرز کو بھی مشترکہ اجلاس دیکھنےکی دعوت دی جائے گی۔