طالبان حکومت کی جانب سے مولانا حامد الحق پر خودکش حملے کی مذمت

کابل:افغانستان کی طالبان حکومت نے دارالعلوم حقانیہ اکوڑہ خٹک میں مولانا حامد الحق پر خودکش حملےکی مذمت کر دی۔

افغانستان کی طالبان حکومت کےبیان میں کہا گیا کہ امارت اسلامیہ افغانستان مولانا حامد الحق پر اس حملے کی شدید مذمت کرتی ہے۔

بیان میں مولانا حامد الحق کی شہادت کوعلمی حلقوں کے لیےایک عظیم نقصان قرار دیتے ہوئے ان کے لواحقین اور طلبہ سے تعزیت کا اظہار کیا گیا۔

بیان میں کہا گیا کہ اللہ تعالیٰ اس ظلم کا بدلہ ان ظالموں سےلے جو خطےکےعلما کے خلاف کام کر رہے ہیں۔

نوشہرہ  : مدرسہ حقانیہ میں خودکش دھماکا، مولانا حامد الحق  شہید

خیال رہےکہ آج دارالعلوم حقانیہ اکوڑہ خٹک کی جامع مسجد میں نماز جمعہ کے بعد  ہونے والے خود کش دھماکے میں جمعیت علمائےاسلام سمیع الحق گروپ (جے یو آئی س) کے سربراہ اور مدرسے کے نائب مہتمم مولانا حامد الحق حقانی سمیت 8 افراد شہید ہوگئے۔

آئی جی خیبرپختونخوا ذوالفقار حمد نے بتایا کہ حملےکا ہدف جامعہ حقانیہ کےسربراہ مولانا حامد الحق حقانی ہی تھے۔