انتظار کی گھڑیاں ختم: پاک بھارت ہائی وولٹج ٹاکرا آج ہوگا
انتظار کی گھڑیاں ختم ہوگئیں ،آئی سی سی مینز ٹی ٹوئنٹی ورلڈ کپ میں پاک بھارت ہائی وولٹج ٹاکرا آج ہوگا،شائقین کا جوش عروج پر پہنچ چکا ہے۔ روایتی حریفوں کے درمیان اس بڑے معرکے کا آغاز پاکستانی وقت کے مطابق شام 6 بج کر 30 منٹ پر ہوگا۔
15 فروری کے پاک بھارت میچ پر تین ارب کا جوا لگ گیا
کولمبو کا میدان آج بیٹنگ، بولنگ اور فیلڈنگ کی مہارتوں کے ساتھ اعصاب کی مضبوطی کا بھی امتحان لے گا۔ بھارتی ٹیم اپنی مضبوط بیٹنگ لائن اپ کے ساتھ میدان میں اترے گی، جبکہ پاکستانی شاہین اپنی تیز اور جارحانہ بولنگ سے مقابلہ کرنے کے لیے تیار ہیں۔
گرین شرٹس نے اس اہم میچ سے قبل بیٹنگ، بولنگ اور فیلڈنگ میں بھرپور پریکٹس کی۔ دوسری جانب بھارتی بیٹرز نے بھی نیٹ سیشن میں خصوصی تیاری کی، جہاں انہوں نے پاکستان کے اسپنر عثمان طارق کے منفرد بولنگ ایکشن سے نمٹنے کے لیے اسی طرز کے بولرز کا سامنا کیا۔
15 فروری کے پاک بھارت میچ پر تین ارب کا جوا لگ گیا
ہائی وولٹیج مقابلے کے پیش نظر کولمبو میں سیکیورٹی اور انتظامی تیاریاں مکمل کر لی گئی ہیں، جبکہ شائقین کرکٹ اس تاریخی ٹکراؤ کے بے صبری سے منتظر ہیں۔
البتہ موسم اس بڑے مقابلے پر اثر انداز ہو سکتا ہے۔ سری لنکن محکمہ موسمیات کے مطابق خلیجِ بنگال میں کم دباؤ کا نظام بن رہا ہے، جس کے باعث شام کے وقت بارش کا امکان موجود ہے، جو میچ میں رکاوٹ ڈال سکتا ہے۔
