کیسز کے ذریعے عمران خان کو ذہنی طور پر توڑنا چاہتے ہیں : زرتاج گل
مرکزی رہنما پی ٹی آئی زرتاج گل کا کہنا ہےکہ کیسز کے ذریعے عمران خان اور ورکرز کو ذہنی طور پر توڑنا چاہتے ہیں۔پی ٹی آئی کو دہشت گرد بناکر پیش کرنے سے ملک کے معاملات حل نہیں ہوں گے۔
اسلام آباد میں میڈیا سے گفتگو کرتے ہوئے مرکزی رہنما پی ٹی آئی زرتاج گل نے کہاکہ جعفر ایکسپریس واقعے کی بنیاد پر پی ٹی آئی کے کارکنان کے گھروں پر چھاپے مارے جارہے ہیں۔
مرکزی رہنما پی ٹی آئی زرتاج گل نے کہاکہ کیسز کے ذریعے عمران خان اور ورکرز کو ذہنی طور پر توڑنا چاہتے ہیں، پی ٹی آئی کے کارکنان کو آج بھی غائب کیا جاتا ہے۔
زرتاج گل نے کہاکہ پی ٹی آئی کے کارکنان اب بھی کیسز بھگت رہے ہیں،پی ٹی آئی کو دہشت گرد بناکر پیش کرنے سے ملک کے معاملات حل نہیں ہوں گے۔
رہنما پی ٹی آئی نے مزید کہاکہ حکومت کو ملک کا خیال نہیں، وزیراعظم کا رویہ بھی غیر سنجیدہ ہے،حکومت صرف پی ٹی آئی کے پیچھے پڑی ہوئی ہے۔
انہوں نے کہا کہ حکومت کسی کام کی نہیں،ان کا تو ووٹ بھی عوام کی امانت نہیں۔
