تیسرا ون ڈے،خوشدل شاہ افغان فینزکی بدتمیزی پربھڑک اٹھے
نیوزی لینڈ کیخلاف شکستوں کے بوجھ تلے دبی پاکستانی ٹیم کے آل راؤنڈر خوشدل شاہ افغان فینز کی بدتمیزی اور نازیباجملوں کےاستعمال پر بھڑک اُٹھے۔
میچ کے اختتام پر افغان فینز کی جانب سے پاکستانی پلئیرز پر ناقص کارکردگی کا مظاہرہ کرنے پر انہیں طنزیہ نشانہ بنایا گیا۔
آل راؤنڈر خوشدل شاہ فینز کی جانب حملہ کرنے کیلئے بڑھے تاہم سیکیورٹی اہلکاروں اور کھلاڑیوں نے انہیں روک لیا اور بیچ بچاؤ کرایا۔
تنقید پر پاکستانی پلئیر کے ردعمل پر سوشل میڈیا پلیٹ فارمز پر انہیں ٹرول کیا جارہا ہے جبکہ نامناسب انداز اپنانے کی تصاویر بھی وائرل ہورہی ہیں۔
سوشل میڈیا پر گردش کرنیوالی تصاویر پر بورڈ نے اپنا ردعمل دیتے ہوئے کہا کہ غیر ملکی شائقین کی جانب سے قومی پلیئرز سے بد زبانی کی مذمت کی ہے۔
