9 مئی کے واقعات کے ذمہ دار قیمت ادا کر رہے ہیں : اسحٰق ڈار
وزیر خارجہ اسحٰق ڈار کاکہنا ہےکہ جن لوگوں نے 9 مئی کے واقعات کیے وہ اس کی قیمت ادا کررہے ہیں، حکومت اصول پر کمپرومائز نہیں کرےگی،اگر کسی کو قانونی عمل کے ذریعے سزا ہوئی ہےتو ہم کیا کرسکتے ہیں۔
لندن میں میڈیا سے گفتگو میں اسحٰق ڈار نے کہاکہ 9 مئی واقعات کی شواہد کی بنیاد پر سزاؤں کا عمل جاری ہے، حکومت اصول پر کمپرومائز نہیں کرے گی۔
سینیٹر اسحٰق ڈار کا کہنا تھاکہ ہمارے دین میں ہے فتنے سے کوئی ڈیل نہیں ہو سکتی،ان کو بات چیت کےلیے سرینڈر کرنا پڑے گا۔
مرکزی رہنما مسلم لیگ ن اسحٰق ڈار نے کہا کہ کسی نے سیاست کرنی ہے تو پاکستان آکر سیاست کرے،لاکھوں ڈالر دےکر پاکستانی اداروں کو بدنام کرنا قابل مذمت ہے۔
ان کا کہنا تھا کہ جلد افغانستان کا دورہ کروں گا جب کہ ایرانی حکومت نے پاکستانیوں کے قتل میں ملوث افراد کو پکڑنے کی یقین دہانی کرائی ہے،سفیر اور وزارت خارجہ کے ذریعے ایرانی حکام کے ساتھ رابطے میں ہوں۔
آرمی چیف سے امریکی کانگریس کے وفد کی ملاقات،دفاعی تعاون پر تبادلہ خیال
اسحٰق ڈار نے کہاکہ پاکستانی معیشت ترقی کی جانب گامزن ہے،مہنگائی سنگل ڈیجٹ میں آچکی ہے،حکومت بسنت تہوار منانے پر نظر ثانی کررہی ہے،حفاطتی اقدامات کے ساتھ بسنت کو منایا جانا چاہیے۔
