برطانیہ نے ایرانی شخصیات اور ادارے پر نئی پابندیاں لگا دیں

برطانیہ نے انسانی حقوق کی خلاف ورزیوں کے الزامات پر ایرانی شخصیات اور ایک ادارے کے خلاف نئی پابندیاں عائد کرنے کا اعلان کر دیا ہے۔

خبر رساں ادارے کے مطابق برطانوی حکومت نے 10 ایرانی افراد کے ساتھ ایک ادارے کو بھی پابندیوں کی فہرست میں شامل کیا ہے۔ حکام کا کہنا ہے کہ یہ اقدامات انسانی حقوق کی سنگین پامالیوں میں مبینہ طور پر ملوث ہونے پر کیے گئے ہیں۔

برطانوی حکومت کے مطابق پابندیوں کی زد میں آنے والے افراد اور ادارے کے برطانیہ میں موجود تمام اثاثے منجمد کر دیے جائیں گے، جبکہ ان پر برطانیہ کے سفر پر بھی پابندی عائد ہوگی۔