امریکی اسلحہ پاکستان میں دہشت گردی کےلیے استعمال ہو رہا ہے : ترجمان دفترِ خارجہ

ترجمان دفتر خارجہ شفقت علی خان کا کہنا ہے کہ افغانستان میں چھوڑے گئے جدید امریکی ہتھیار دہشت گرد استعمال کررہے ہیں،یہ ہتھیار پاکستان کے اندر دہشت گردی کےلیے استعمال ہورہے ہیں۔

دفتر خارجہ میں ہفتہ وار بریفنگ دیتے ہوئے ترجمان شفقت علی خان نے کہاکہ پاکستان اور امریکا کے درمیان دیرینہ اور سفارتی سطح پر اہم تعلقات ہیں،ایف 16 پروگرام بھی ان تعلقات کا دیرینہ حصہ ہےجب کہ امریکا کا ایف16 پروگرام سے متعلق فیصلہ خوش آئند ہے۔

ترجمان شفقت علی خان کا کہنا تھا کہ سرحد پر ٹرکوں کےرکنے یا سرحد بند ہونے پر متعدد ادارےکام کررہے ہوتے ہیں،طورخم سرحد پر افغان سائیڈ ہماری سرحد پر چیک پوسٹ قائم کرنےکی کوشش کررہی تھی،سرحدوں کا میکنزم موجود ہے جس میں متعدد ادارے کام کر رہے ہوتے ہیں۔

شفقت علی خان نے کہا کہ افغانستان میں چھوڑے گئے جدید امریکی ہتھیار دہشت گرد استعمال کررہے ہیں،یہ ہتھیار پاکستان کے اندر دہشت گردی کےلیے استعمال ہورہے ہیں۔

9 مئی کے مقدمات میں فواد چوہدری گناہ گار قرار ، پولیس رپورٹ

ترجمان دفتر خارجہ نے امریکا سے 8 پاکستانیوں کو بےدخل کیے جانے کی تصدیق کرتے ہوئے کہاکہ ہم امریکا سے جلاوطن پاکستانیوں کی واپسی میں سہولت فراہم کر رہے ہیں جب کہ ان کی شناخت سے متعلق ایف آئی اے اور وزارت داخلہ ہی آگاہ کرسکتی ہیں۔