عظمیٰ بخاری کی نصیبو لال سے ملاقات،خیریت دریافت کی
وزیر اطلاعات پنجاب عظمیٰ بخاری مشہور پنجابی گلوکارہ نصیبو لال سے ملاقات کیلئے ان کے گھر پہنچ گئیں۔خیریت دریافت کی۔
وزیراطلاعات پنجاب نے نصیبو لال کو وزیراعلیٰ پنجاب مریم نواز کی طرف سے انہیں پھولوں کا گلدستہ پیش کیا۔چیئرمین استحقاق کمیٹی سمیع اللہ خان بھی وزیراطلاعات پنجاب کے ہمراہ موجود تھے۔
عظمیٰ بخاری نے نصیبو لال کو وزیراعلیٰ پنجاب کی طرف سے ہر طرح کے تعاون کی یقین دہانی کروائی جس پر نصیبو لال نے وزیراعلیٰ پنجاب مریم نواز اور عظمیٰ بخاری کا شکریہ ادا کیا۔
نصیبو لال نے مریم نواز کے فنکاروں کیلئےفلاحی کاموں پرمریم نواز کوخراج تحسین پیش کیا۔مریم نواز کے والد میاں نوازشریف نے ہمیشہ فنکاروں کی حوصلہ افزائی کی، مریم نواز اپنے والد کے نقشے قدم پر چل رہی ہیں ،اللہ تعالیٰ انکی مدد فرمائے۔
یاد رہے کہ نصیبو لال کو ان کے شوہر نے تشدد کا نشانہ بنایا تھا جس کیخلاف انہوں نے شوہر پر مقدمہ درج کروا دیا تھا تاہم بعد میں شوہر کی جانب سے معافی مانگنے کے بعد نصیبو نے مقدمہ واپس لے لیا تھا۔
