ٹارگٹڈ آپریشن ہو یا جنگ دہشت گردوں کے خاتمے کا فیصلہ ہوچکا ہے : مصدق ملک
وفاقی وزیر برائے ماحولیاتی تبدیلی ڈاکٹر مصدق ملک کا کہنا ہے کہ ٹارگٹڈ آپریشن ہو یا جنگ، دہشت گردی کو جڑ سے اکھاڑنے کےلیے حکومت آپریشن کا فیصلہ کر چکی ہے۔
وفاقی وزیر مصدق ملک کاکہنا تھا کہ سکیورٹی فورسز کے جوان ہمارے بچوں کی حفاظت کےلیے شہید ہو رہے ہیں۔ملک اس وقت حالت جنگ میں ہے، ٹارگٹڈ آپریشن ہو یا جنگ دہشت گردوں کے خاتمے کا فیصلہ ہوچکا ہے اور جو پاکستان میں بچوں کو شہید کر رہے ہیں، جنگ ان کی دہلیز پر لے جائیں گے۔
لیگی رہنما مصدق ملک کا کہنا تھا کہ اے پی ایس کے بعد دہشت گردی کو ختم کرنے کا فیصلہ ہوچکا تھا، پی ٹی آئی حکومت آنے کےبعد دوبارہ دہشت گردوں سے بات اور لاکر بسانے کی بات ہوئی،یہ ان دہشت گردوں کو اپنے سوشل فیبرک کا حصہ مانتے تھے۔
ملکی سلامتی سے بڑھ کرکچھ نہیں،یک زبان ہوکربیانیہ بناناہوگا،آرمی چیف
خیال رہےکہ قومی سلامتی کی پارلیمانی کمیٹی نے دہشت گردوں کا نیٹ ورک توڑنے اور لاجسٹک سپورٹ ختم کرنےکا فیصلہ کیا ہے اور اس عزم کا اعادہ کیاگیا کہ دہشت گردی کو اس کی ہر شکل میں ختم کرنا ہوگا۔
شرکا نے اتفاق کیاکہ ریاست پوری طاقت سے دہشت گردی کا مقابلہ کرےگی، کوئی ادارہ،فرد یا گروہ دہشت گردی کےخلاف جنگ میں کمزوری نہ دکھائے۔
