عمران خان 26 نومبر کی معافی کیوں مانگیں؟ شیر افضل مروت

پی ٹی آئی سے بے دخل رہنما شیر افضل مروت کاکہنا ہے کہ 26 نومبر کو گاڑیاں بھی ہماری چھینیں اور مقدمات بھی ہم پر بنائے گئے، پی ٹی آئی کی پوری قیادت مقدمات میں نامزد ہے،عمران خان 26 نومبر کی معافی کیوں مانگیں؟

جوڈیشل کمپلیکس اسلام آباد میں میڈیا سے گفتگو ہوئے رکن قومی اسمبلی شیر افضل مروت کا کہنا تھا کہ پی ٹی آئی کی پوری قیادت مقدمات میں نامزد ہے،کسی دن پی ٹی آئی کا کوئی ایک رہنما عدالت ہوتا ہے،کسی دن دوسرا رہنما عدالت میں ہوتا ہے۔

شیر افضل مروت کاکہنا تھاکہ 26 نومبر کو گاڑیاں بھی ہماری چھینیں اور مقدمات بھی ہم پر بنائے گئے، عمران خان 26 نومبر کی معافی کیوں مانگیں؟

رکن قومی اسمبلی شیر افضل مروت کا کہنا تھاکہ حکومت ہوشیار ہوتی تو بلوچستان میں امن آجاتا۔

کسی پارٹی میں شمولیت کے حوالے سے شیر افضل مروت کاکہنا تھاکہ میرا کسی پارٹی سےکوئی رابطہ نہیں،کوئی ملے تو سلام دعا کرلیتا ہوں۔

آئی جی کا وزیر اعلیٰ سے خیبرپختونخوا کو ہارڈ ایریا قرار دینے کا مطالبہ

عمران خان سے ملاقات کے حوالے سے شیر افضل مروت نے کہاکہ عمران خان جب بلائیں گے تب ملنے جاؤں گا، فتنہ پھیلانے والے کئی لوگ ہیں جو ملاقات میں رکاوٹ ڈالتے ہیں۔