یاسر نواز نے ندا یاسر پر فضا علی کی تنقید کو سستی شہرت کا طریقہ قرار دے دیا
معروف اداکار یاسر نواز نے اپنی اہلیہ ندا یاسر کو تنقید کا نشانہ بنانے والی ساتھی اداکارہ فضا علی کے عمل کو سستی شہرت کا طریقہ قرار دے دیا۔
سوشل میڈیا پر جاری ایک ویڈیو میں اداکار، ہدایتکار اور پروڈیوسر یاسر نواز نے فضا علی کو مخاطب کرتے ہوئے کہا کہ میری معصوم بیوی کا پیچھا چھوڑدو،تم تو مسلسل مشہور ہورہی ہو،اب کیا اس کی جان لوگی؟ اللہ بھی معاف کردیتا ہے انسان معاف نہیں کرتا۔
اداکار یاسر نواز نے کہا کہ ندا کو معاف کردو،جتنا مشہور ہونا تھا ہوچکی ہو بس ختم،اب اس چیپٹر کو بند کرو اور آگے چلو کسی اور کو پکڑو اور اس کی بینڈ بجاؤ۔
یاد رہے کہ اداکارہ و میزبان فضا علی نے فوڈ ڈیلیوری رائیڈرز سے متعلق ندا یاسر کے بیان پر انہیں تنقید کا نشانہ بنایا تھا بلکہ جب ندا یاسر نے فوڈ ڈیلیوری رائیڈرز سے عوامی معافی مانگی تو فضا علی نے ایک اور ویڈیو پیغام جاری کرتےہوئے ندا یاسر کو معافی پر بھی تنقید کا نشانہ بنایا اور کہا کہ معافی سے پہلے کی گئی غلطی کا خمیازہ نہیں بھرا جاسکتا۔
