رامیز راجا کا چیئرمین پی سی بی کےعہدے سے استعفیٰ نہ دینے کا فیصلہ

رمیز راجا نے پاکستان کرکٹ بورڈ کے چیئرمین کے عہدے سے استعفیٰ نہ دینے کا فیصلہ کر لیا ہے۔
باخبر ذرائع کے مطابق رمیز راجہ نئی حکومت کے قیام کے بعد بھی بطور چیئرمین پی سی بی کام جاری رکھیں گے اور وہ اپنے مستقبل کے حوالے سے حکومت کی جانب سے پیغام کے منتظر ہیں،رمیز راجہ کی جانب سے استعفیٰ دیے جانے کی صورت میں چیئرمین شپ کے لیے سابق چیئرمین نجم سیٹھی کا نام زیر غور لایا جائے گا۔
ذرائع کے مطابق پاکستان کرکٹ بورڈ کے نئے چیئرمین کے لیے نجم سیٹھی مضبوط امیدوار بن کر سامنے آئے ہیں،ماضی میں پی ایس ایل سمیت کئی بڑے منصوبوں کو کامیابی سے چلانے والے نجم سیٹھی کو ان کے دوست مبارک باد دے رہے ہیں لیکن وہ بات چیت سے گریز کررہے ہیں۔
ذرائع نے بتایا کہ رمیز راجہ پیر کو کچھ دیر کے لیے پی سی بی ہیڈ کوارٹر آئے لیکن زیادہ وقت نہیں گزارا۔