ریحام کی خود سے 13 برس چھوٹے نوجوان سے تیسری شادی
ماضی میں ڈان نیوز سے وابستہ رہنے والی ٹیلی وژن اینکر اور عمران خان کی سابق اہلیہ ریحام خان نے بالآخر عمر میں خود سے 13 برس چھوٹے نوجوان مرزا بلال بیگ سے تیسری شادی کر لی ہے۔ ریحام نے ٹوئٹر پر ایک تصویر شیئر کرتے ہوئے اپنے مداحوں کو تیسری شادی کے حوالے سے آگاہ کیا اور ان سے اپنی کامیاب ازدواجی زندگی کے لئے دعا کرنے کی اپیل کی۔ ریحام خان نے بتایا کہ بلال ان سے تیرہ برس چھوٹے ہیں لیکن وہ ان کی دیانت داری اور سادگی سے بہت زیادہ متاثر ہوئیں اور انہیں اپنا جیون ساتھی بنانے کا فیصلہ کر لیا۔
ریحام نے پہلے دو مردانہ اور زنانہ ہاتھوں کی ایک تصویر سوشل میڈیا پر شیئر کی اور بعد ازاں انسٹاگرام پر اپنے تیسرے شوہر مرزا بلال کیساتھ اپنی تصویر بھی شئیر کر دی۔ اس کے کیپشن میں انہوں نے لکھا کہ ’میں نے اپنا جیون ساتھی ڈھونڈ لیا ہے، بلال کیساتھ اپنی شادی کی تصویر میں ریحام نے سفید رنگ کا لباس زیب تن کیا ہوا ہے، یاد رہے کہ یورپ اور امریکا سمیت تمام مغربی میں اسی طرح کا عروسی لباس زیب تن کیا جاتا یے۔ ریحام نے انسٹاگرام پر ایک پوسٹ میں لکھا کہ چونکہ میرے والدین حیات نہیں ہیں لہٰذا میں اپنی خیر خواہ اوور مداحوں سے اپیل کروں گی کہ وہ میرے لئے نیک خواہشات کا اظہار کریں کیونکہ مجھے ان کی دعاؤں کی ضرورت ہے۔ ریحام نے اس امید کا اظہار کیا کہ ان کی تیسری شادی کامیاب رہے گی اور ان کا اور بلال کا ساتھ آخر دم تک چلے گا۔
واضح رہے کہ ماضی میں بی بی سی اور دیگر اداروں سے بحیثیت براڈکاسٹر وابستہ رہنے والی صحافی ریحام خان نے پہلی شادی 1990 میں کی تھی جو 2005 میں طلاق پر ختم ہوئی۔ انہیں پہلی شادی سے تین جواں سالہ بچے بھی ہیں جو کہ برطانیہ میں مقیم ہیں۔ ریحام خان نے دوسری شادی جنوری 2015 میں عمران خان سے کی تھی مگر 10 ماہ میں ہی ان کے درمیان اکتوبر 2015 میں طلاق ہوگئی۔ عمران سے شادی اور طلاق کے بعد ہی ریحام خان کو عالمی سطح پر شہرت ملی تھی، وہ فلم پروڈکشن میں بھی قسمت آزمائی کر چکی ہیں۔
اس سے قبل دوسری طلاق کے سات سال بعد انہوں نے رواں سال اگست میں تیسری شادی پر بات کرتے ہوئے کہا تھا کہ ان کے گھر میں بھی ان کی تیسری شادی سے متعلق باتیں ہوتی رہتی ہیں۔ ریحام خان نے رواں سال عید کے موقع پر اداکار نعمان اعجاز کے ٹی وی پروگرام میں شرکت کی تھی، جہاں انہوں نے سیاست اور ملکی حالات سمیت اپنی نجی زندگی پر بھی کھل کر باتیں کیں اور اسی دوران انہوں نے تیسری شادی کے امکانات پر بھی گفتگو کی، دوران پروگرام ایک سوال کے جواب میں ریحام خان نے بتایا تھا کہ ان کی ایک رشتے دار خاتون نجومی نے ان کا ہاتھ دیکھنے کے بعد انہیں بتایا کہ ان کے ہاتھ میں تیسری شادی کی لکیر ہے۔
ساتھ ہی انہوں نے اپنی تیسری شادی کے حوالے سے بات کرتے ہوئے کہا تھا گھر میں ہونے والی بات چیت کا ذکر بھی کیا اور بتایا کہ ان کے بھائی نے ان کے ایک بھانجے کو یہ دھمکی دے کر شادی پر راضی کیا کہ اگر وہ شادی نہیں کریں گے تو ان کی خالہ یعنی ریحام خان تیسری شادی کرلیں گی۔ اسی دوران انہوں نے مسکراتے ہوئے کہا تھا کہ اگر ان کی تیسری شادی ہو گئی تو ان کے تیسرے شوہر کو سرپرائز ملے گا، ریحام خان نے پروگرام میں تیسری شادی کے ذکر پر مسکراتے ہوئے بتایا تھا کہ انہوں نے پہلی دونوں شادیوں پر مہندی نہیں لگائی تھی، کیوں کہ انہیں مہندی لگانے اور چوڑیاں پہننے کا شوق نہیں ہے۔ انہوں نے اپنی تیسری شادی پر بھی نہ تو چوڑیاں پہنی ہیں اور نہ ہی مہندی لگائی ہے۔
بتایا جاتا ہے کہ ریحام خان نے تیسدری شادی کے لیے شرط عائد کرتے ہوئے اپنے دولہا سے کہا تھا کہ وہ اپنے بچے اپنے ساتھ ہی رکھیں گی جس پر ان کے شوہر نے ان کی یہ شرط قبول کر لی اور یو ریحام خان اب ایک مرتبہ پھر رشتہ ازدواج میں منسلک ہو گئی ہیں۔
