وزیراعظم شہباز شریف نے 18 جولائی 2023 کو یوتھ اسپورٹس انیشی ایٹیو پروگرام کے تحت اسلام آباد میں پہلی اسپورٹس یونیورسٹی کا افتتاح کیا ۔اس افتتاحی تقریب کی ایک ویڈیو سوشل میڈیا پر وائرل ہو رہی ہے جس میں وزیراعظم شہباز شریف کو طالبعلموں سے ہاتھ ملاتے ہوئے دیکھا جا سکتا ہے۔ویڈیو میں دکھایا گیا ہے کہ ایک طالبعلم شہباز شریف سے ہاتھ ملائے بنا ہی آگے بڑھ جاتا ہے۔ جس پر صارفین کی جانب سے مختلف تبصرے کیے جا رہے ہیں۔

جہانزیب نامی صارف نے ویڈیو ٹوئٹ کرتے ہوئے لکھا کہ یہ کٹھ پتلی ویزراعظم شہباز شریف کے لیے باعثِ شرمندگی ہے کہ ایک نوجوان نے ان سے مصافحہ نہیں کیا اور سلام ہے اس نوجوان کو جو وزیراعظم کے سامنے اپنی ناراضگی کا اظہار کرنے کی ہمت رکھتا تھا۔

پیپلز پارٹی کے رہنما اور سابق سینیٹر فرحت اللہ بابر نے ویڈیو پر تبصرہ کرتے ہوئے کہا کہ یہ ویزاعظم شہباز شریف کے لیے نہیں بلکہ کوچز اور سپورٹس اکیڈمی کے لیے باعثِ شرمندگی ہے کہ اس نوجوان نے وزیراعظم سے مصافحہ نہیں کیا۔

ایک صارف نے ٹوئٹ کرتے ہوئے کہا کہ ایسے کھلاڑی کو ٹیم سے نکال دینا چاہیئے، پہلے اس کی تربیت درست کرنی چاہیے اور پھر کسی ٹیم میں جگہ دینی چاہیئے۔

منصور احمد قریشی نے تنقید کرتے ہوئے لکھا کہ یہ کوئی بہادری نہیں بلکہ جہالت اور بد تمیزی ہے۔ اور اگر وزیراعظم شہباز شریف سے ہاتھ نہ ملانے پر خوش ہو رہے ہیں تو سابق وزیراعظم عمران خان کو گریبان سے پکڑ کر گرفتار کرنا بھی خوشی کی ہی بات تھی۔

چوہدری ساجد حسین نامی صارف نے کہا کہ مخالفین سے لاکھ اختلافات ہوں لیکن یہ بد لحاظی اور بد اخلاقی کی انتہا ہے اور ایسے رویے پر اس نوجوان کو ٹیم سے فوری طور پر الگ کر دینا چاہیے کیونکہ سپورٹس میل جول کی تربیت دیتی ہے نفرت کی نہیں۔

ٓایک صارف نے چیئرمین تحریک انصاف عمران خان کو آڑے ہاتھوں لیتے ہوئے کہا کے یہ انہی کے بوئے ہوئے نفرت کے بیج ہیں جو اب پھل دینے لگے ہیں۔

جب اس معاملے پر پی ایم آفس سے رابطہ کیا تو ان کا کہنا تھا کہ نوجوان نے جان بوجھ کر مصافحہ کرنے سے انکار نہیں کیا بلکہ وہ تصویر بنانے کے حوالے سے ہچکچاہٹ کا شکار تھا۔پی ایم آفس کے ذرائع کا مزید کہنا تھا کہ تقریب میں بدمزگی کا کوئی واقعہ نہیں ہوا، اور نہ ہی کسی نے نوجوان کے مصافحہ

ٹک ٹاک پاکستانی سیاست میں خاص کیوں ہونے لگا؟

نہ کرنے کا نوٹس لیا اور اب یہ ویڈیو سوشل میڈیا پر وائرل ہو رہی ہے۔