ملک میں روپے کی قدر میں مسلسل کمی کا سلسلہ جاری ہے، ڈالر 25 پیسے اضافے کے بعد 206 روپے کا ہوگیا ہے، ڈالر گزشتہ روز کے 205.25 روپے پر بند ہونے کے بعد 1.25 روپے مزید بڑھ گیا اور صبح 11:40 بجے تک 206.50 روپے تک پہنچ گیا، فاریکس ایسوسی ایشن آف پاکستان کی بندش کی شرح اسٹیٹ بینک آف پاکستان سے تھوڑی مختلف ہوتی ہے جس کے مطابق گزشتہ روز ڈالر 205.16 روپے پر بند ہوا تھا۔

اداکارہ صاحبہ نے کبھی بیٹی کی خواہش کیوں نہیں کی؟

میٹس گلوبل کے ڈائریکٹر سعد بند نصیر نے کہا کہ انٹرنیشنل مانیٹری فنڈ (آئی ایم ایف) کے پروگرام میں تاخیر اور فنانشل ایکشن ٹاسک فورس (ایف اے ٹی ایف) کے جاری اجلاس میں ڈالر کے مقابلے روپیہ دباؤ میں ہے۔ان کا کہنا تھا کہ گزشتہ سیشن کے دوران بین الاقوامی خام تیل کی قیمتوں میں اضافے نے ڈالر کی طلب میں مزید اضافہ کیا۔
سعد بن نصیر نے اپنی بات جاری رکھتے ہوئے کہا کہ ایکسپورٹرز ایکسچینج ریٹ سے فائدہ اٹھانے کے لیے اپنی کمائی کو ملک سے باہر روک کر رکھے ہوئے ہیں اور اسٹیٹ بینک آف پاکستان اور متعلقہ حکام پر زور دیا کہ وہ بروقت کارروائی کریں تاکہ برآمد کنندگان کو مجبور کیا جائے کہ وہ اپنی برآمد سے حاصل ہون ےوالی آمدنی کو ملک میں واپس لا کر زرمبادلہ کے ذخائر میں اضافہ کریں۔
چئیرمین فاریکس ایسوسی ایشن ملک بوستان نے کہا کہ آئی ایم ایف کی ڈیل میں تاخیر پاکستانی روپے کی قدر ڈالر کے مقابلے میں روز گھٹا رہی ہے جبکہ چین نے بھی اب تک صرف قرضہ ری شیڈول کرنے کی زبانی یقین دہانی کرائی ہے، چین نے اب قرض ری شیڈول کرنے کے حوالے سے تحریری طور پر کچھ نہیں بتایا جس کی وجہ روپے پر دباو ہے اور 30 جون تک ڈالر کی قیمت میں اضافے کا سلسلہ جاری رہ سکتا ہے۔