ورلڈ کپ کیلئے پاکستانی ٹیم کا مینیو سامنے آ گیا

بھارت میں کھیلے جانے والے ورلڈ کپ میں شریک پاکستانی ٹیم کے حیدرآباد میں قیام کے دوران مینیو سامنے آگیا ہے جس کے مطابق تمام ٹیموں کو بیف فراہم نہیں کیا جائے گا۔

قومی ٹیم کے مینیو میں چانپیں، مٹن کڑاہی، بٹر چکن، گرلڈ فش، حیدر آباد کی مشہور بریانی شامل، روزانہ کی بنیاد پر پروٹین والے کھانے میں مٹن، چکن، اور مچھلی شامل ہے۔

پاکستان ٹیم نے اسٹیڈیم منتظمین سے باسمتی چاول، بولو گنیز ساس کے ساتھ اسپیگیٹیز اور سبزی پلاؤ کی فرمائش کی جبکہ پاکستان ٹیم کے چیٹ میل میں حیدر آبادی بریانی شامل ہوگی۔

دریں اثنا پاکستان ٹیم حیدر آباد میں تقریباً 2 ہفتے تک قیام کریگی، پاکستان اور نیوزی لینڈ کے درمیان کل وارم اپ میچ حیدر آباد میں شیڈول ہے۔