اداکارہ فرح سعدیہ نے اپنی شادی بچانے کیلئے کیا کیا قربانیاں دیں؟

معروف اداکارہ فرح سعدیہ کی شادی بچانے کیلئے قربانی دینے کی دو سال قبل کی ویڈیو ایک مرتبہ پھر سوشل میڈیا پر وائرل ہونے لگی ہے، اداکارہ کی پہلی شادی ہدایتکار اور اداکار اقبال حسین کے ساتھ ہوئی تھی، جس سے ان کے دو بچے بھی ہیں۔شوبز ویب سائٹس کے مطابق فرح سعدیہ کی پہلی شادی ہدایت کار و اداکار اقبال حسین سے ہوئی تھی، جن کی ان سے 2013 میں طلاق ہوگئی تھی، فرح سعدیہ پرانے انٹرویو میں وہ بچوں کی پرورش، تعلیم اور اپنی شادی کو بچانے کی بات کرتی دکھائی دیتی ہیں، سوشل میڈیا پر وائرل ہونے والی مختصر کلپ فرح سعدیہ کے فروری 2022 کے انٹرویو کی ہے جوکہ انہوں نے اداکار و میزبان نعمان اعجاز کو دیا تھا۔فرح سعدیہ کو وائرل کلپ میں اپنی شادی بچانے کے لیے قربانیاں دینے کی بات کرتے ہوئے سنا جا سکتا ہے، اداکارہ نے شوہر کا نام لیے بغیر بتایا کہ انہوں نے اداکاری کے آغاز میں ہی شادی کو چلانے، بچانے اور بچوں کی بہتر پرورش کی خاطر اداکاری چھوڑ دی تھی، اداکارہ نے بتایا کہ چوںکہ انہیں شادی کے فوری بعد ہی مارننگ شو کرنے کی پیش کش ہوئی تو انہوں نے اسے قبول کر لیا اور وہ کئی سال تک پروگرام کرتی رہیں تاکہ اپنی شادی چلا سکیں اور بچوں کی پرورش کر سکیں، شادی کے بعد ہر شعبے کی خواتین کو کیریئر اور خاندان میں سے بہت ساری چیزوں کی قربانی دینی پڑتی ہے اور المیہ یہ ہے کہ خواتین کی قربانیوں کو تسلیم بھی نہیں کیا جاتا، ویڈیو کلپ میں اداکارہ نے شوہر کا نام نہیں لیا اور نہ ہی انہوں نے شادی میں مشکلات کا ذکر کیا جبکہ اسی پروگرام میں انہوں نے بتایا تھا کہ اب ان کے بچے بڑے ہو چکے ہیں اور ان کی ذمہ داریاں کم ہوئی ہیں جبکہ 2000 میں ہی مارننگ شو کرنا شروع کیا تھا اور اس وقت پاکستان ٹیلی وژن (پی ٹی وی) کے علاوہ کوئی دوسرا چینل نہیں تھا، انہوں نے ٹی وی پر 15 سال تک مارننگ شو کیا، اداکارہ نے انٹرویو کے دوران پہلی شادی ختم ہونے سمیت دوسری ذاتی زندگی پر کوئی بات نہیں کی تھی، تاہم عندیہ دیا تھا کہ وہ جلد ہی اداکاری میں دوبارہ قدم رکھیں گی۔