امریکا کاجنگی جنون،جوہری آبدوز مشرق وسطیٰ بھیج دی

امریکی فوج کی سینٹرل کمانڈ سینٹ کام کا کہنا ہے کہ امریکا نے جوہری آبدوز مشرق وسطیٰ بھیج دی ہے۔سینٹ کام نے مشرق وسطیٰ کے لیے اوہائیو کلاس جوہری آبدوز کے پہنچنے کا اعلان کیا ہے۔امریکا پہلے ہی دو طیارہ بردار بحری جہاز مشرق وسطیٰ بھیج چکا ہے۔
اسرائیلی اخبار کے مطابق امریکا کے پاس 20 ایٹمی آبدوز ہیں جن میں سے چار امریکی ایٹمی آبدوز ٹام ہاک میزائل لانچ کرنے کی صلاحیت رکھتی ہیں جبکہ امریکا کی 14 ایٹمی آبدوزوں سے بیلسٹک میزائل فائر کیے جا سکتے ہیں۔ امریکی خفیہ ایجنسی سی آئی اے کے سربراہ ولیم برنز اسرائیل پہنچ چکے ہیں، ولیم برنز حماس کے خلاف لڑائی جاری رکھنے پر بات چیت کریں گے اور اسرائیلی مغویوں کی رہائی کیلئے آپریشن پر بھی گفتگو کی جائے گی۔