دنیا بھر میں کرونا متاثرین 23 لاکھ 56 ہزار،ہلاکتیں ایک لاکھ 64 ہزارسے متجاوز

دنیا کے بیشتر ممالک میں لاک ڈاؤن کے نفاذ کے باوجود اب تک کورونا کے کیسز میں کمی نہیں دیکھی جا رہی اور اب تک دنیا کے 185 ممالک میں کورونا سے متاثرہ افراد کی تعداد بڑھ کر 23 لاکھ 56 ہزار 475 ہو چکی ہے۔
چین سے پھیلنے والی اس وبا سے یورپی خطہ بری طرح متاثر ہوا ہے جہاں اب تک ایک لاکھ سے زائد ہلاکتیں ہوچکی ہیں۔تاہم یورپی ملک اسپین سے اس حوالے سے بہتری کی جانب جارہا ہے جہاں 22 مارچ کے بعد ایک روز میں سب سے کم ہلاکتیں رپورٹ ہوئیں۔دنیا بھر میں کورونا وائرس سے ہلاکتوں کی تعداد ایک لاکھ 62 ہزار 70 ہوگئی ہے۔یورپ میں کورونا وائرس سے ہلاکتوں کی تعداد دنیا بھر کا دو تہائی، ایک لاکھ 510 ہوگئی ہے۔یورپ کے کئی ممالک صرف سنگین کیسز کے ٹیسٹ کر رہی ہیں اور کہا جارہا ہے کہ تصدیق شدہ کیس کی تعداد بتائے گئے سے زیادہ ہوسکتی ہے۔اٹلی اور اسپین ہلاکتوں ے اعتبار سے یورپ میں سب سے زیادہ متاثرہ ممالک میں شامل ہوتے ہیں جہاں بالترتیب 23 ہزار 227 اور 20 ہزار 434 ہلاکتیں ہوچکی ہیں۔برطانیہ میں ہلاکتوں کی تعداد 15 ہزار 464 ہے۔
برازیل کے شہر ریو ڈی جنیرو، ساؤ پاؤلو اور دادرالحکومت براسیلیا میں گورنرز سے لاک ڈاؤن اقدامات پر مستعفی ہونے کا مطالبہ کرتے ہوئے سینکڑوں ٹرک، گاڑیاں اور موٹرسائیکل سڑکوں پر آگئیں۔ریاست کے ایک قانون ساز اینڈرسن مورائس نے ریو کے شہریوں کو احتجاج میں شرکت کرنے کی دعوت دیتے ہوئے کہا کہ ‘زندگیاں اہم ہیں تاہم ہم آج کوئیی بھی فیصلہ کل کا سوچے بغیر نہیں لے سکتے کیونکہ کل مجھے نہیں معلوم کہ کسی بھی شخص کی حالت کیا ہوگی جب وہ اپنے بچوں کو بھوکا دیکھے گا’۔
جنوبی کوریا میں نئے کیسز دو ماہ میں پہلی مرتبہ ایک ہندسے میں آگئی. کوریا سینٹرز فور ڈدیزیز کنٹرول اینڈ پریوینشن نے بتایا ہے کہ جنوبی کوریا میں فروری میں وبا کے عروج پر پہنچنے کے بعد پہلی مرتبہ ایک روز میں سامنے آنے والے نئے کیسز کی تعداد ایک ہندسے میں، 8 ہوگئی ہے۔ان کا کہنا تھا کہ ‘ان 8 میں سے 5 بیرون ملک سے آئے تھے’۔ملک میں کورونا کیسز کی مجموعی تعداد 10 ہزار 661 ہے اور اب تک اس وائرس سے وہاں 234 ہلاکتیں بھی ہوچکی ہیں۔
چین کے صحت حکام نے بتایا ہے کہ وہاں گزشتہ 24 گھنٹوں کے دوران صرف 16 کیسز سامنے آئے ہیں جو 17 مارچ کے بعد سے سب سے کم تعداد ہے۔ان نئے کیسز میں سے 9 بیرون ملک سے آئے تھے اور کوئی نئی ہلاکتیں نہیں ہوئی ہیں۔ان نئی تعداد کے بعد ملک کی مجموعی کیسز کی تعداد 82 ہزار 735 ہوگئی ہے۔
میکسیکو میں کیسز کی تعداد 7 ہزار 497 ہوگئی۔میکسیکو کے ڈپٹی وزیر صحت کا کہنا ہے کہ ملک میں اب تک 7 ہزار 497 تصدیق شدہ کورونا وائرس کے کیسز ہیں جبکہ ان میں سے 650 افراد لقمہ اجل بھی بن چکے ہیں۔ایک روز قبل یہ تعداد 6 ہزار 875 تھی جبکہ 546 ہلاکتیں ہوئی تھیں، جو ایک روز میں آنے والا بڑا فرق ظاہر کرتی ہیں۔
پاناما کے حکام نے امریکا کی جانب جانے والے 1700 مہاجرین کو جنگل کے ایک کیمپ میں رنے کا حکم دے دیا۔سرکاری ذرائع کے مطابق ان تمام مہاجرین میں سے چند میں نئے کورونا وائرس کی تصدیق ہوئی تھی۔انہیں کولمبیا کی سرحد کے پاس قرنطینہ مرکز میں رکھا گیا ہے جو 200 افراد کو رکھنے کے لیے بنایا گیا تھا۔پاناما میں کورونا وائرس کے کیسز کی کل تعداد 4 ہزار 273 ہوگئی ہے جبکہ 120 افراد ہلاک بھی ہوچکے ہیں۔
اسرائیل میں کورونا وائرس سے مزید 7 افراد کی ہلاکت کے بعد ہلاکتوں کی تعداد 171 ہوگئی ہے۔ملک کے وزارت صحت کا کہنا ہے کہ گزشتہ 24 گھنٹوں کے دوران اسرائیل میں 97 نئے کیسز سامنے آئے جس کے بعد مجموعی تعداد 133 ہزازر 362 ہوگئی جن میں سے 156 کی حالت تشویشناک ہے۔اسرائیل کے نگراں وزیر اعظم بینجمن نتن یاہو کا کہنا ہے کہ اسرائیل آج سے لاک ڈاؤن میں نرمی لائے گا۔ان کا کہنا تھا کہ ‘ہمارے ملک میں سب سے کم ہلاکتوں کی شرح ہے’۔
روس میں گزشتہ 24 گھنٹوں کے دوران کورونا وائرس کے 6 ہزار 60 نئے کیسز سامنے آگئے جس کے بعد ملک میں مجموعی تعداد 42 ہزار 853 ہوگئی ہے۔اپنے بیان میں ایمرجنسی ٹیم کا کہنا تھا کہ 43 فیصد نئے کیسز میں علامات نہیں ہیں۔ملک میں کورونا وائرس سے ہلاکتوں کی تعداد 361 ہوگئی ہے۔
امریکا میں گزشتہ 24 گھنٹوں میں 2009 ہلاکتیں ہوئی ہیں جس کے بعد کل تعداد 39 ہزار سے تجاوز کرگئی ہیں۔امریکا کورونا وائرس کے کیسز میں دنیا بھر میں سب سے آگے ہے جہاں اب تک 7 لاکھ 35 ہزار 336 کیسز سامنے آچکے ہیں جبکہ 39 ہزار 95 ہلاکتیں ہوچکی ہیں۔