مقبوضہ کشمیر اسمبلی میں آرٹیکل370 کی بحالی کیلئےقرارداد منظور

مقبوضہ جموں و کشمیر اسمبلی نےبھارتی آئین کےآرٹیکل370 کی بحالی کےلیے قرارداد منظور کرلی۔

کشمیر میڈیا سرو س کےمطابق آرٹیکل370 کی بحالی کی قرارداد نائب وزیر اعلیٰ اور نیشنل کانفرنس کےرہنما سریندر سنگھ چوہدری نےپیش کی۔

مقبوضہ جموں و کشمیراسمبلی کےاسپیکرعبدالرحیم راتھر ن ارکان سے رائے طلب کی جس پر بی جے پی ارکان کو چھوڑ کر ارکان اسمبلی کی اکثریت نے قرارداد کی حمایت کی، بعد ازاں اسپیکر نےاسےباضابطہ طورپرمنظور کرلیا۔

جوبائیڈن کی غلطی نہ دہرائیں:حماس کا ٹرمپ کیلئےپیغام

سریندر سنگھ چوہدری کی طرف سےپیش کی گئی قرارداد کامقصددفعہ370 کے تحت ان خصوصی دفعات کوبحال کرانا ہے جن کے تحت جموں و کشمیر کو خود مختاری حاصل تھی۔

خیال رہے کہ بھارتی حکومت نےدفعہ 370 کو5 اگست2019 کو یکطرفہ طور پر منسوخ کیا تھا۔