اداکارہ مشعل خان اپنی شادی کو خفیہ کیوں رکھنا چاہتی ہیں؟

معروف اداکارہ مشعل خان نے انکشاف کیا ہے کہ وہ اپنی شادی کو خفیہ رکھیں گی اور تمام معاملات کو نجی رکھیں گی تاکہ لوگوں کی بری ںظر سے بچ سکیں، جو لوگ میری شادی میں شرکت کریں گے تو تصاویر سوشل میڈیا پر پوسٹ نہ کریں۔مشعل خان نے پروگرام ’’دی ٹاک ٹاک‘‘ میں شرکت کی جہاں انہوں نے شادی، اپنے وزن سے متعلق لوگوں کی تنقید اور ٹرولنگ پر گفتگو کرتے ہوئے بتایا کہ میں پیار کو اس طرح نہیں دیکھتی کہ ایک بندہ دوسرے کو کنٹرول کرے، میرے اشاروں پر ناچنے والا اگر کوئی شخص آیا تو میں اسے سیدھا دروازے سے باہر نکال دوں گی، جب میں شادی کروں گی تو تمام معاملات بہت پرائیویٹ رکھوں گی، میں ان لڑکیوں میں سے نہیں ہوں جو اپنی شادی سے متعلق ہر تفصیل سوشل میڈیا پر شئیر کرے، میں انتہائی سادگی سے شادی کروں گی اور صرف قریبی لوگوں کو مدعو کروں گی۔انہوں نے کہا کہ جب بھی شادی کروں گی تو ضرور اعلان کروں گی لیکن مجھے لگتا ہے کہ لوگ ایسے معاملات کو خراب کرنے کی کوشش کرتے ہیں، اگر مجھے کسی سے شادی کرنی ہو تو میں اس سے بہت سنجیدہ کمٹمنٹ کروں گی، اور اس انسان سے بے حد محبت ہوگی، صرف وقت گزرانے کے لیے شادی نہیں کریں گی بلکہ سنجیدہ کمٹمنٹ کروں گیم انھوں نے کہا کہ جو لوگ خود گھر میں خوش نہیں ہوتے اور دوسروں کو بھی ایک ساتھ خوش نہیں دیکھ سکتے، یہ چیز ان سے برداشت نہیں ہوتی، مجھے ایسے لوگوں سے بہت ڈر لگتا ہے، اس لیے میں اپنے معاملات بہت نجی رکھوں گی۔انہوں نے کہا کہ ’ایسے لوگ جنہیں اپنے گھر میں دوسری بار سالن کے لیے کوئی نہیں پوچھتا یا جن کے اپنے بچے ان سے بات کرنا پسند نہیں کرتے یا شاید ان کے اپنے ماں باپ نے انہیں توجہ نہ دی ہو، ایسے لوگ زندگی سے بیزار ہوتے ہیں اور یہی لوگ دوسروں کا بھی نقصان چاہتے ہیں۔مشعل خان کے مطابق ان کے کلاس فیلوز نے موٹاپے یا زائد وزن کو بدصورتی کے ساتھ جوڑ دیا تھا، یعنی ان کے دوستوں کی نظر میں فربہ ہونا اچھی بات نہیں تھی۔ وزن بڑھنے اور کم ہونے سمیت لوگوں کے طعنے ملنے کی وجہ سے وہ ذہنی الجھن اور پریشانی کا شکار ہوگئی تھیں اور ساتھ ہی وہ ’ایٹنگ ڈس آرڈر‘ میں مبتلا ہوگئی تھیں، جس وجہ سے انہوں نے گوشت اور انڈوں جیسی غذائیں کھانا چھوڑ دی تھیں، کیوںکہ انہیں لگتا تھا کہ اگر وہ غذائیں کھائیں گی تو ان کا وزن بڑھ جائے گا۔’ایٹنگ ڈس آرڈر‘ غذا کھانے سے متعلق بے ترتیب کیفیت کو کہا جاتا ہے، جس میں انسان یا تو غذائیں کھانا چھوڑ دیتا ہے یا پھر بے ترتیبی کی وجہ سے حد سے زیادہ غذائیں کھاتا ہے، انہوں نے انکشاف کیا تھا کہ ’ایٹنگ ڈس آرڈر‘ میں مبتلا ہونے کی وجہ سے ہی وہ تین بار موت کے منہ میں جا چکی ہیں اور مرتے مرتے بچی ہیں۔