پاکستانی مصنوعات امریکی ٹیرف کا معاملہ، حکومت کی مؤثر حکمت عملی تیار

حکومت نےپاکستانی مصنوعات پر 29 فیصد امریکی ٹیرف عائد ہونے کے معاملے پر مؤثر حکمت عملی تیار کرلی۔

وزیراعظم شہباز شریف نے 2 اعلیٰ سطح کی ٹیمیں بنادیں اور ان کی ہدایت پراسٹیئرنگ کمیٹی اور ورکنگ گروپ قائم کردیا گیا۔

دونوں ٹیمیں امریکا کے ساتھ اضافی ٹیرف کے معاملے پرمذاکرات کریں گی۔

وزیرخزانہ محمد اورنگزیب 12 رکنی اسٹیئرنگ کمیٹی کےکنوینرجبکہ سیکرٹری تجارت جواد پال کو ورکنگ گروپ کا کنوینر مقرر کیا گیا ہے۔

اسٹیئرنگ کمیٹی ٹیرف کےمعاملے پر قائم ورکنگ گروپ کی نگرانی کرے گی۔ 19 رکنی ورکنگ گروپ میں متعلقہ سیکرٹریز،کاروباری شخصیات بھی شامل ہیں۔کمیٹی ممبران میں وفاقی وزرا، وزیراعظم کے معاون خصوصی، چیئرمین ایف بی آر، سیکرٹری خارجہ، امریکا میں سفیر،ڈبلیوٹی او میں نمائندے، ڈاکٹر اعجاز نبی منسٹرٹریڈ اینڈ انویسٹمنٹ واشنگٹن اور سیکرٹری تجارت بھی کمیٹی میں شامل ہیں۔

وزیراعظم کوامریکی ٹیرف کے معاملے پر پیشرفت سے آگاہ رکھا جائے گا۔

پانی کی منصفانہ تقسیم ہمارا حق ہے ،پاکستان میں ہی نہیں عالمی سطح پر بھی مقدمہ لڑ کر آیا ہوں، بلاول بھٹو

اسٹیئرنگ کمیٹی کےٹرم آف ریفرنس بھی جاری کردیے گئے، ورکنگ گروپ امریکی ٹیرف کا تجزیہ کرکے سفارشات مرتب کرے گا،امریکی اضافی ٹیرف سے پاکستانی مصنوعات پرممکنہ اثرات کا جائزہ لیا جائے گا اور ورکنگ گروپ بدلتے عالمی تجارتی حالات میں دستیاب مواقع کابھی تجزیہ کرے گا۔

خیال رہےکہ گزشتہ دنوں امریکی صدر ڈونلڈ ٹرمپ نے دنیا کے مختلف ممالک پر جوابی ٹیرف عائد کرنے کا اعلان کیا۔

امریکی صدر نےپاکستانی مصنوعات پر بھی 29 فیصد ٹیرف عائد کرنے کا اعلان کیا ہے جو 9 اپریل سے نافذ العمل ہو گا۔

یورپی یونین پر 20 فیصد، چین پر 34 فیصد اورجاپان پر 24 فیصد ٹیرف، بھارت پر 26 فیصد اسرائیل پر 17 فیصد اور برطانیہ پر 10 فیصد ٹیرف عائد ہوگا۔