پنجاب کے ضمنی الیکشن ، پارٹی نے انتخابی مہم کی ذمہ داری سونپ دی
پاکستان مسلم لیگ ن نے نائب صدر مریم نواز کو پنجاب کے ضمنی الیکشن کی انتخابی مہم چلانے کی ذمہ داری سونپ دی ہے۔
مسلم لیگ ن کا اہم مشاورتی اجلاس ماڈل ٹاؤن لاہور میں ہوا، جس میں پنجاب کی 20 نشستوں پر ضمنی انتخاب میں کامیابی کے حوالے سے حکمت عملی پر مشاورت کی گئی۔
وزیر اعلیٰ پنجاب حمزہ شہباز، پاکستان مسلم لیگ (ن) کی نائب صدر مریم نواز اور وفاقی وزیر داخلہ رانا ثناءاللہ، خواجہ سعد رفیق، عبدالرحمٰن کانجو سمیت دیگر رہنماؤں نے اجلاس میں شرکت کی۔
اجلاس میں اتفاق کیا گیا کہ مریم نواز تمام ضمنی حلقوں میں الیکشن مہم چلائیں گی۔
وزیر اعلیٰ حمزہ شہباز نے کہا کہ عوام ضمنی انتخاب میں عمران بیانیے کو مسترد کریں گی، کارکردگی کی بنیاد پر عوام مسلم لیگ کے امیدوار کو کامیاب کروائے گی۔
