چیمپئنز لیگ کیلئے پوری ٹیم کو ذمہ داری سے کام کرنا ہے،محسن نقوی

 چیئرمین پی سی بی محسن نقوی کاکہنا ہے کہ چیمپئنز لیگ کی کامیابی کے لیے پوری ٹیم کو ذمہ داری سے کام کرنا ہے۔

چئیرمین پاکستان کرکٹ بورڈ محسن نقوی کی زیر صدارت چیمپئنز لیگ کے انتظامات سے متعلق اجلاس ہوا۔اجلاس میں اقبال سٹیڈیم فیصل آباد میں چیمپئنز لیگ کرانے کی تیاریوں کا جائزہ لیا گیا۔

چیئرمین پی سی بی محسن نقوی کی ہدایت پر شائقین کرکٹ آخری 4 میچز کے سوا تمام میچ فری دیکھ سکیں گے۔

محسن نقوی کاکہنا تھا کہ فیصل آباد کے شہری کرکٹ کے کھیل سے محبت کرتے ہیں۔عرصہ دراز کے بعد فیصل آباد میں پاکستان کے بہترین کھلاڑی بڑے ٹورنامنٹ میں ان ایکشن ہوں گے۔چیمپئنز لیگ سے نا صرف  ٹیلنٹ سامنے آئے گا بلکہ ڈومیسٹک کرکٹ بھی مضبوط ہو گی۔چیمپئنز لیگ کی ٹیموں کے کھلاڑیوں کے لئے  فٹنس ٹیسٹ کا مرحلہ مکمل ہوگیا ہے ۔

پنڈی ٹیسٹ کا تیسرا روز،بنگلہ دیشی ٹیم 262رنز بناکر آؤٹ

چیف آپریٹنگ آفیسر پی سی بی سلمان نصیر۔ چیف فنانشل آفیسر جاوید مرتضی۔ ایڈوائزر بلال افضل۔ ڈائریکٹر ڈومیسٹک عبداللہ خرم نیازی۔ ڈائریکٹر کمرشل۔ ڈائریکٹر ہائی پرفارمنس ۔ سینئر جنرل مینجر ڈومیسٹک جیند ضیا اور متعلقہ حکام نے اجلاس میں شرکت کی۔