2ماہ کے دوران سندھ میں خسرے سے17بچے دم توڑ گئے
محکمہ صحت سندھ کی غفلت کھل کرسامنے آ گئی،صوبے میں 2 ماہ کے دوران خسرے سے 17 بچے انتقال کر گئے۔
میڈیا رپورٹس کے مطابق 2 ماہ میں خسرے سے 1100 سے زائد بچے متاثر ہوئے جن میں سے 17 بچے اپنی زندگی کی بازی ہار گئے۔خسرہ کے پھیلاؤ کی بڑی وجہ بچوں کو حفاظتی ٹیکے نہ لگوانا ہے۔
محکمہ صحت سندھ کے مطابق کراچی میں رواں برس کے 2 ماہ کے دوران 550 بچے خسرہ کا شکار ہوئے جبکہ خیرپور میں 10، ضلع شرقی میں 5، سکھر اور جیکب آباد میں ایک ایک بچہ انتقال کرگیا۔
