گوادر میں دہشت گردوں کی فائرنگ سے 6 افراد جاں بحق
بلوچستان میں ایک مرتبہ پھر خونریزی کا واقعہ پیش آیا ہے،گوادر میں دہشت گردوں کی فائرنگ سے6 افراد جاں بحق ہوگئے۔
دہشت گردی کا واقعہ گوادر کے علاقے کلمت میں پیش آیا جہاں دہشت گردوں نے گوادر سے کراچی جانےوالے مسافروں پر فائرنگ کی۔
پولیس کاکہنا ہےکہ فائرنگ سے 5 افراد موقع پر جاں بحق ہوئے جب کہ ایک شخص زخمی ہوا۔
تاہم فائرنگ سے زخمی شخص بھی دوران علاج دم توڑ گیا جس کے بعد جاں بحق افراد کی تعداد 6 ہوگئی۔
پولیس کےمطابق جاں بحق افراد گوادر سے کراچی جارہے تھے جس میں سے ایک شخص کا تعلق ملتان سے ہے جب کہ دیگر کی شناخت کا عمل جاری ہے۔
وفاقی وزیر داخلہ محسن نقوی نے کلمت میں مسافروں پر فائرنگ کےواقعہ کی مذمت کرتے ہوئے کہاکہ دہشت گردوں نے بزدلانہ کارروائی کرکے معصوم لوگوں کو نشانہ بنایا۔
وزیر داخلہ محسن نقوی نے جاں بحق افراد کے لواحقین سے دلی ہمدردی و اظہار تعزیت کرتےہوئے کہاکہ بےگناہ افراد کو ناحق قتل کرنا انسانیت سوز جرم ہے، شناخت کرکے مسافروں کو نشانہ بنانا بربریت اور درندگی ہے۔
محسن نقوی کا کہنا تھاکہ بزدلانہ کارروائیاں دہشت گردی کےخلاف قوم کے عزم کو کمزور نہیں کرسکتیں۔
یاد رہےکہ گزشتہ دنوں بلوچستان کے علاقے منگچر میں بھی فائرنگ کا واقعہ پیش آیاتھا جس میں پنجاب سے تعلق رکھنے والے 4 مزدور جاں بحق ہوئےتھے۔
بی آر ٹی کرپشن کیس، نیب نےپرویزخٹک کیخلاف کارروائی روک دی
اسسٹنٹ کمشنر منگچر علی گل کےمطابق نامعلوم مسلح افراد نے منگچر کی ملنگ زئی میں ٹیوب ویل کی تنصیب پر کام کرنےوالے مزدوروں پر فائرنگ کی جس کے نتیجے میں چار افراد جاں بحق ہوگئے۔
انہوں نے بتایا کہ جاں بحق افراد کا تعلق صادق آباد سےتھا۔
