ون ڈے سیریز،قومی کرکٹ ٹیم کے 9 کھلاڑی نیوزی لینڈ روانہ

قومی کرکٹ ٹیم کے ون ڈے اسکواڈ میں شامل 9 کھلاڑی ایک روزہ میچوں کی سیریز کے لیے نیوزی لینڈ روانہ ہوگئے۔

پاکستانی ٹیم کے کھلاڑی لاہور سے دبئی کے راستے نیوزی لینڈ روانہ ہوئے ، جن میں بابر اعظم، محمد رضوان ، فہیم اشرف ، امام الحق، عبداللہ شفیق ، طیب طاہر اور دیگر شامل ہیں۔9کےعلاوہ باقی کھلاڑی پہلے سے ہی ٹی20 سیریز کے لیے نیوزی لینڈ میں موجود ہیں جو ٹی20 سیریز ختم ہونے کے بعد اسکواڈ کو جوائن کرلیں گے۔

پاکستان اور نیوزی لینڈ کےدرمیان 3ون ڈےمیچوں کی سیریز 29مارچ سے 14 اپریل تک کھیلی جائے گی۔

واضح رہے کہ پانچ ٹی 20 میچوں پر مشتمل سیریز میں نیوزی لینڈ کو 1-3 کی فیصلہ کن برتری حاصل ہے۔

ون ڈے اسکواڈ میں کپتان محمد رضوان، نائب کپتان سلمان علی آغا، عبداللہ شفیق، امام الحق،طیب طاہر ، بابراعظم، ابرار احمد، عاکف جاوید، فہیم اشرف، خوش دل شاہ، محمد علی، محمد وسیم جونیئر، محمد عرفان خان، نسیم شاہ، سفیان مقیم شامل ہیں۔